23:01 September 10
కీలక అంశాలపై చర్చ..
భారత్-చైనా విదేశాంగ మంత్రుల భేటీ ముగిసింది. ఇరు దేశాల మధ్య నెలకొన్న ఉద్రిక్తతల నడుమ జైశంకర్-వాంగ్ యీలు కీలక అంశాలను చర్చించారు. రష్యాలోని మాస్కోలో జరుగుతున్న షాంఘై కోఆపరేషన్ ఆర్గనైజేషన్ (ఎస్సీఓ) సదస్సు విరామంలో వీరు భేటీ అయ్యారు.
21:54 September 10
వాంగ్ యీతో జైశంకర్ చర్చలు
రష్యా రాజధాని మాస్కో వేదికగా భారత్-చైనా విదేశాంగమంత్రులు సమావేశమయ్యారు. సరిహద్దులో ఉద్రిక్తతల నేపథ్యంలో జైశంకర్- వాంగ్ యీ భేటీ ప్రాధాన్యం సంతరించుకుంది.
వాస్తవాధీన రేఖ వెంబడి అలజడులను తగ్గించేందుకు వీరి మధ్య జరిగిన చర్చలు దోహదపడతాయని ఇరు దేశాలు ఆశిస్తున్నాయి.
చైనా వైఖరితో..
మే నెల నుంచి భారత్పై కయ్యానికి కాలుదువ్వుతోంది చైనా. జూన్ 15న గల్వాన్ లోయలో జరిగిన హింసాత్మక ఘటనతో ఉద్రిక్తతలు తారస్థాయికి చేరాయి. అనంతరం జరిగిన చర్చల వల్ల పరిస్థితులు కొంతమేర కుదుటపడ్డాయి.
ఈ నేపథ్యంలో గత నెల 29 అర్ధరాత్రి.. మరోమారు చైనా దూకుడు ప్రదర్శించింది. దీంతో అప్పటివరకు ప్రశాంతంగా ఉన్న పాంగాంగ్ సరస్సు దక్షిణ భాగంలోనూ అలజడులు మొదలయ్యాయి. ఈ నేపథయంలో వాస్తవాధీన రేఖ వెంబడి ఇరు దేశాలు భారీ స్థాయిలో బలగాలను మోహరించారు.
20:30 September 10
ఉద్రిక్తతల వేళ భారత్-చైనా విదేశాంగ మంత్రుల భేటీ
భారత్, చైనా విదేశాంగ మంత్రులు రష్యా రాజధాని మాస్కోలో సమావేశమయ్యారు. జైశంకర్-వాంగ్ యీ మధ్య చర్చలు జరిగాయి. భారత్-చైనా మధ్య సరిహద్దు ఉద్రిక్తతలు తారస్థాయికి చేరినవేళ ఈ భేటీ ప్రాధాన్యం సంతరించుకుంది.
