రాజ్​భవన్​ సమీపంలో భారీ అగ్ని ప్రమాదం

ఒడిశాలో భారీ అగ్ని ప్రమాదం జరిగింది. భువనేశ్వర్​లో రాజ్​భవన్ సమీపంలోని ఓ పెట్రోల్​ బంకులో మంటలు చెలరేగాయి. ఈ ఘటనలో అనేక మంది గాయపడ్డారు.

ఒడిశాలోని భువనేశ్వర్​లో భారీ అగ్ని ప్రమాదం సంభవించింది. రాజ్​భవన్​ సమీపంలోని ఓ పెట్రోల్​ బంకులో పేలుడు కారణంగా పెద్దఎత్తున మంటలు చెలరేగాయి. ఈ ఘటనలో అనేక మందికి గాయాలయ్యాయని ఓ పోలీస్​ అధికారి తెలిపారు. భారీగా ఎగసిపడుతున్న అగ్నికీలలను అదుపుచేసేందుకు మూడు అగ్నిమాపక దళాలు అక్కడికి చేరుకున్నాయి.

పెట్రోల్​ బంకులోని ఇంధనం నిల్వ ఉన్న రెండు ట్యాంకుల్లో.. ఒకటి పేలడం వల్లే ఈ ప్రమాదం జరిగిందని పోలీసు అధికారి చెప్పారు.

ఇదీ చదవండి:బహిరంగ ప్రదేశాల్లో నిరసనలపై సుప్రీం కీలక తీర్పు