శాసనసభ ఎన్నికలకు సర్వం సిద్ధం

ఆంధ్రప్రదేశ్​, ఒడిశా, అరుణాచల్​ప్రదేశ్​, సిక్కింలో లోక్​సభతో పాటే విధానసభ ఎన్నికలు జరుగుతున్నాయి. గురువారం జరిగే తొలివిడతకు ఎన్నికల సంఘం సర్వం సిద్ధం చేసింది.

ఆంధ్రప్రదేశ్​, ఒడిశా, అరుణాచల్​ ప్రదేశ్​, సిక్కింలో శాసనసభ ఎన్నికల కోసం ఏర్పాట్లు పూర్తి చేసింది ఎన్నికల సంఘం. పోలింగ్​ కేంద్రాల వద్ద భారీ స్థాయిలో భద్రతా సిబ్బంది, పారా మిలిటరీ బలగాలను మోహరించింది. ఎలాంటి ఘర్షణలు జరగకుండా చర్యలు తీసుకుంది. కొన్ని ప్రాంతాల్లో ఎన్నికల నిర్వహణకు హెలికాప్టర్లు ఉపయోగిస్తోంది ఈసీ.

ఒడిశా...

శాసనసభ ఎన్నికలకు సర్వం సిద్ధం

విధానసభ, లోక్​సభ ఎన్నికలు జరుగుతున్న వాటిలో రెండో పెద్ద రాష్ట్రం ఒడిశా. ఈ రాష్ట్రంలో ఉన్న మొత్తం 21 లోక్​సభ సీట్లకుగాను నాలుగింటికి ఎన్నిక జరగనుంది. వీటి పరిధిలోని 28 శాసనసభ స్థానాలకూ పోలింగ్​ జరగనుంది.

మొదటి విడతలో ఓటు హక్కు వినియోగించుకునే వారిలో మహిళలే ఎక్కువ. ఈ విడతలో ఎన్నికల జరగనున్న మొత్తం లోక్​సభ, అసెంబ్లీ సెగ్మెంట్​లు నక్సల్​ ప్రభావిత ప్రాంతాల్లో ఉన్నాయి. మల్కాన్​గిరి లాంటి సమస్యాత్మక ప్రాంతాల్లో హెలికాప్టర్​ల ద్వారా పోలింగ్​ సిబ్బందిని తరలించారు.

అరుణాచల్​ ప్రదేశ్​

శాసనసభ ఎన్నికలకు సర్వం సిద్ధం

ఈశాన్య రాష్ట్రమైన అరుణాచల్​ ప్రదేశ్​లో ఉన్న రెండు లోక్​సభ స్థానాలకు ఈ విడతలోనే పోలింగ్​ పూర్తి కానుంది. ఈ రాష్ట్రంలో ఉన్న 60 విధానసభ సీట్లలో మూడు ఏకగ్రీవం కాగా... మిగిలిన 57 స్థానాల్లో ఓటింగ్​ జరగనుంది.
45 కంపెనీల కేంద్ర బలగాలు , 7000 మంది పౌర పోలీసులు ఎన్నికల విధులు నిర్వర్తిస్తున్నారు. తీవ్రవాద ప్రభావిత ప్రాంతాల్లో భారీగా బలగాలను మోహరించారు.

సిక్కిం...

శాసనసభ ఎన్నికలకు సర్వం సిద్ధం

సిక్కింలో ఉన్న ఒకే ఒక స్థానానికి ఈ విడతలోనే పోలింగ్​ పూర్తి కానుంది. 32 శాసనసభ నియోజకవర్గాల అభ్యర్థుల భవితవ్యం కూడా ఈవీఎంలలో నిక్షిప్తం కానుంది.