400 మంది విద్యార్థుల కష్టం తీర్చిన 'ఈటీవీ భారత్'

ఈటీవీ భారత్ కథనం దాదాపు 400 మంది విద్యార్థుల కష్టాలను తీర్చేసింది. ఇంటర్నెట్ సౌకర్యం లేక ఆన్​లైన్ క్లాసులకు హాజరు కాలేక ఇబ్బంది పడుతున్న విద్యార్థుల అవస్థలను ఈటీవీ భారత్​ వెలుగులోకి తెచ్చింది. స్పందించిన స్థానిక ప్రజాప్రతినిధులు సెల్ టవర్ ఏర్పాటుకు పనులను ప్రారంభించారు.

కర్ణాటకలోని ఆ గ్రామాల్లో సెల్ టవర్ లేక.. ఇంటర్నెట్ సౌకర్యం అసలే అందక.. దాదాపు 400 మంది విద్యార్థులు ఆన్​లైన్ క్లాసులకు హాజరయ్యేందుకు నానా తంటాలు పడ్డారు. క్లాసులకు హాజరయ్యేందుకు సిగ్నల్ కోసం సమీపంలోని అడవిలో కొండెక్కి టెంట్లు వేశారు. వర్షాకాలం కావడం వల్ల కొండపైన కూర్చోలేక టవర్ పెట్టించాలని అధికారులను డిమాండ్ చేశారు. వారి వెతలను కథనంగా మలచింది ఈటీవీ భారత్. దీంతో వారి సమస్యకు పరిష్కారం దొరికింది.

ఈటీవీ భారత్ లో వెలువడ్డ కథనం ప్రజాప్రతినిధులను స్పందించేలా చేసింది. దీంతో దక్షిణ కర్ణాటకలోని శిబజే గ్రామ పంచాయతీ సహా, పెర్లా, పసోడి, మయార్ది, పట్టిమారు, నిరానా, భండిహోళె, బూడడమక్కి గ్రామాల విద్యార్థుల కష్టాలను తీరిపోయోలా చేసింది.

కథనం వెలువడ్డ వెంటనే స్థానిక మున్సిపల్ కౌన్సిలర్ హరీష్ పూంజ త్వరలోనే గ్రామాల్లో మొబైల్ టవర్ ఏర్పాటు చేస్తామని హామీ ఇచ్చారు. ఇప్పుడు స్థానిక ఎమ్మెల్యే ఆదేశాలతో బంధిహోళెలో ఆ టవర్ నిర్మాణానికి స్థలం కేటాయించారు. తమ సమస్యను అధికారులు, ప్రజా ప్రతినిధుల వరకు చేర్చిన ఈటీవీ భారత్ కు హృదయపూర్వక కృతజ్ఞతలు తెలిపారు విద్యార్థులు.

ఇదీ చదవండి:వినాలంటే కొండెక్కాల్సిందే.. టెంట్​ వేయాల్సిందే!