ప్లాస్టిక్​లో జీవం పోసుకున్న 'నిలువెత్తు పచ్చదనం'

ప్లాస్టిక్ వ్యర్థాల్లో పచ్చదనానికి జీవం పోస్తున్నారు జమ్మూకశ్మీర్​కు చెందిన ఓ పర్యావరణవేత్త. గోడలపై నిలువు గార్డెన్లు సృష్టించి స్థలాన్ని, నీటిని ఆదా చేస్తున్నారు.

పర్యావరణ కాలుష్యాన్ని తగ్గించడానికి.. వ్యర్థాలతో నిలువు హరితవనాలను సృష్టిస్తున్నారు జమ్మూకశ్మీర్​కు చెందిన పర్యావరణవేత్త డాక్టర్ నాజియా రసూల్.

విద్యార్థులకు నిలువు గార్డెన్లపై అవగాహన కల్పిస్తూ...

"నిలువు గార్డెన్లతో.. పర్యావరణ కాలుష్యం తగ్గడమే కాదు. మొక్కలకు పోసే నీటిని వృథా కాకుండా చూడొచ్చు. స్థలం కూడా తక్కువ ఆక్రమిస్తుంది. ఓ సెమినార్​లో పాల్గొన్నప్పుడే ఈ నిలువు గార్డెన్ల ఆలోచన వచ్చింది. నేను బోధిస్తున్న ప్రభుత్వ మహిళా కళాశాలలో మొదట ఈ ప్రయోగం చేశాను. ఆపై పోలీస్ పబ్లిక్ స్కూల్ వద్ద, జమ్ము వర్సిటీ గోడలపై సృష్టించాను. కరోనా కాలంలో ఒత్తిడిని పోగొట్టడానికి ఈ నిలువు గార్డెన్లు ఉపయోగపడతాయి. "

-డాక్టర్ నాజియా రసూల్ , పర్యావరణవేత్త

వ్యర్థ ప్లాస్టిక్ బాటిళ్ల మీద బొమ్మలు గీసి ఆకర్షణీయంగా మార్చేశారు నాజియా. వాటిలో మొక్కలు నాటి ఓ క్రమం ప్రకారం గోడకు అతికించారు. పై వరుసలో నీరు పోస్తే ఆ నీరు కింది వరుసకూ చేరుతుందంటున్నారు.

వ్యర్థాలను అందంగా అలంకరిస్తూ..

ఈ నిలువు గార్డెన్లు పర్యావరణం అందాన్ని పెంచడమే కాదు, మానసిక ఉల్లాసాన్ని కలిగిస్తాయంటూ నాజియా ఆలోచనను ప్రశంసిస్తున్నారు మిగతా ప్రొఫెసర్లు. ఆఫీసులు, ఇళ్ల గోడలపై ఇలాంటి నిలువు గార్డెన్లు పెంచుకుంటే ఆహ్లాదకరమైన వాతావరణాన్ని సృష్టించొచ్చు అంటున్నారు.

నిలువెత్తు పచ్చదనం

గోడెక్కిన బాటిల్ కుండీలు

"నాజియా చేసిన పనిని నేను ప్రశంసిస్తున్నాను. భూభాగం తరిగిపోతున్న వేళ.. పచ్చదనాన్ని పెంచుకునే ఆలోచన ఇది. కరోనా కాలంలో ఆయుర్వేద గుణాలున్న మొక్కలనూ ఈ పద్ధతిలో పెంచుకోవచ్చు. స్వచ్ఛమైన ఆక్సిజన్ పొందొచ్చు."

-ప్రొఫెసర్ రాజ్ కుమార్ రాంపాల్, నాజియా సహోద్యోగి

ఇదీ చదవండి:తాగి నదిలో దూకి.. పోలీసులను తిప్పలు పెట్టి...