ఉత్తర్ ప్రదేశ్ ఎటావా జిల్లా, బకేవర్ పోలీస్ స్టేషన్ పరిధిలో ఆదివారం అర్థరాత్రి... సున్వర్షా బ్రిడ్జ్ సమీపంలో.. పోలీసులు, దుండగుల మధ్య ఎదురుకాల్పులు జరిగాయి. ఈ ఘటనలో ఆరుగురిని పోలీసులు అరెస్టు చేశారు.
ఆదివారం రాత్రి 11-1 గంట మధ్య పెట్రోలింగ్ నిర్వహించిన పోలీసులు కొంత మంది అపరిచితులు ఆయుధాలతో రోడ్లపై సంచరిస్తున్నట్లు తెలుసుకున్నారు. వారిని పట్టుకునేందుకు వెళ్లిన పోలీసులపై దుండగులు కాల్పులకు తెగబడ్డారు. ఎదురు కాల్పుల్లో ఆ ముఠాధిపతి సౌరభ్ కటేరియా గాయపడ్డాడు. అతడిని ఆసుపత్రికి తరలించారు పోలీసులు.