కశ్మీర్​లో ఎన్​కౌంటర్.. ఇద్దరు ముష్కరులు హతం

జమ్ముకశ్మీర్​ అనంత్​నాగ్​లో ఎన్​కౌంటర్​ జరిగింది. శ్రీగుఫ్వారా​ ప్రాంతంలో నిర్బంధ తనిఖీలు చేస్తున్న బలగాలపై కాల్పులు జరిపారు ముష్కరులు. ఈ ఘటనలో ఇద్దరు ఉగ్రవాదులు హతమయ్యాడు. వీరిలో ఒకరు పాకిస్థాన్ వాసిగా గుర్తించారు.

జమ్ముకశ్మీర్​ అనంత్​నాగ్​ జిల్లాలో ఎన్​కౌంటర్​ జరిగింది. ఎదురు కాల్పుల్లో ఇద్దరు తీవ్రవాదులను హతమార్చినట్లు అధికారులు తెలిపారు. వీరిని జైషే మహమ్మద్​ సంస్థకు చెందిన వారుగా గుర్తించారు. మృతుల్లో ఒకరు పాకిస్థాన్​ వాసి అని అధికారులు వెల్లడించారు. వీరి నుంచి ఆయుధాలు, మందుగుండు సామగ్రిని స్వాధీనం చేసుకున్నారు.

శ్రీగుఫ్వారా​ ప్రాంతంలో ఉగ్రవాదులు నక్కి ఉన్నారన్న సమాచారంతో తెల్లవారుజామున భద్రతా దళాలు గాలింపు చర్యలు చేపట్టాయి. బలగాల రాకను గమనించిన ముష్కరులు ఉదయం 6.40 గంటల సమయంలో కాల్పులకు తెగబడ్డారు. దీటుగా తిప్పికొట్టిన సైనిక సిబ్బంది ఇద్దరు ఉగ్రవాదులను మట్టుబెట్టాయి.

ఆ ప్రాంతంలో గాలింపు చర్యలు కొనసాగుతున్నట్లు అధికారులు వెల్లడించారు.

ఇదీ చూడండి:దేశంలో 23 వేలు దాటిన కరోనా మరణాలు