'మోదీజీ.. ఆ 'గౌరవం' ప్రజలకు దక్కనివ్వరా?'

దేశంలోని నిరుద్యోగ సమస్యపై కేంద్రాన్ని మరోమారు విమర్శించారు కాంగ్రెస్​ నేత రాహుల్​ గాంధీ. ఉద్యోగం మనిషి గౌరవంతో సంబంధించిన విషయమని... దాన్ని ప్రజల నుంచి ప్రభుత్వం ఇంకెంత కాలం దూరం చేస్తుందని మండిపడ్డారు.

ప్రధానమంత్రి నరేంద్ర మోదీ ప్రభుత్వంపై మరోమారు విమర్శనాస్త్రాలు సంధించారు కాంగ్రెస్​ సీనియర్​ నేత రాహుల్​ గాంధీ. ఉద్యోగం అనేది మనిషి గౌరవానికి సంబంధించినదని రాహుల్ అన్నారు​. ఆ గౌరవాన్ని ప్రజలకు అందించడానికి మోదీ ప్రభుత్వం ఇంకెంత సమయం తీసుకుంటుందని ప్రశ్నించారు.

నిరుద్యోగ సమస్యకు సంబంధించిన ఓ మీడియా కథనాన్ని తన ట్వీట్​కు జోడించారు రాహుల్​.

"దేశంలో నిరుద్యోగ సమస్య భారీ స్థాయిలో ఉంది. ఫలితంగా ఈ రోజును యువత #నేషనల్​అన్​ఎంప్లాయిమెంట్​డే అని పిలుస్తోంది. ఉద్యోగం అంటే గౌరవం. ప్రభుత్వం ఇంకెన్ని రోజుల పాటు ఆ గౌరవం ప్రజలకు దక్కకుండా చేస్తుంది?"

--- రాహుల్​ గాంధీ, కాంగ్రెస్​ సీనియర్​ నేత

ఆర్థికవ్యవస్థ, కరోనా సంక్షోభం, సరిహద్దు ఉద్రిక్తతలపై గత కొంతకాలంగా రాహుల్​ గాంధీ ప్రభుత్వాన్ని నిలదీస్తున్నారు. కేంద్రంపై ఒత్తిడి పెంచేందుకు ప్రయత్నిస్తున్నారు.

ఇవీ చూడండి:-'కేంద్రం ప్రకటనతో గల్వాన్​ వీరులకు అవమానం'