ఝార్ఖండ్​లో పిడుగుపాటుతో 8 మంది మృతి

ఝార్ఖండ్​ గడ్వాలో పిడుగుపడి 8 మంది మృతి చెందారు. భారీ వర్షం కురుస్తుండగా చెట్టుకింద ఆశ్రయం పొందినవారిని పిడుగు రూపంలో మృత్యువు కాటేసింది.

ఝార్ఖండ్​లో ఘోర ప్రమాదం చోటుచేసుకుంది. గడ్వా జిల్లాలోని పాస్సిలో పిడుగు పడి 8 మంది మృతి చెందారు. మరో ఇద్దరు గాయపడ్డారు.

భారీ వర్షం కురుస్తుండగా పది మంది చెట్టుకింద ఆశ్రయం పొందారు. అదే సమయంలో చెట్టుపై పిడుగు పడటం వల్ల అక్కడక్కడే ఎనిమిది మంది ప్రాణాలొదిరారు. గాయపడిన ఇద్దరిని స్థానిక ఆసుపత్రిలో చేర్పించారు. ఈ ఘటనతో పాస్సి గ్రామంలో విషాద ఛాయలు అలుముకున్నాయి.

మృతుల కుటుంబాలకు పరిహారం ప్రకటించింది ప్రభుత్వం. ఒక్కొక్కరికి రూ.4 లక్షలు అందించనుంది.

ఇదీ చూడండి: ఆయుధాలతో సహా పట్టుబడ్డ జైషే ఉగ్రవాదులు