ఫరూక్ అబ్దుల్లా ఆస్తులను జప్తు చేసిన ఈడీ

జమ్ముకశ్మీర్​ మాజీ ముఖ్యమంత్రి ఫరూక్ అబ్దుల్లా ఆస్తులను జప్తు చేసింది ఈడీ. జమ్ముకశ్మీర్​ క్రికెట్​ సంఘానికి సంబంధించిన అక్రమాల ఆరోపణ కేసులో ఈ చర్యలు తీసుకుంది.

నేషనల్​ కాన్ఫెరెన్స్ పార్టీ అధినేత, జమ్ము కశ్మీర్​ మాజీ ముఖ్యమంత్రి ఫరూక్ అబ్దుల్లా సహా మరికొందరి ఆస్తులను ఎన్​ఫోర్స్​మెంట్ డైరెక్టరేట్ (ఈడీ) శనివారం జప్తుచేసింది. జమ్ము కశ్మీర్​ క్రికెట్​ సంఘంలో ఆర్థిక అవకతవకలకు సంబంధించి ఓ హవాల కేసులో ఈ మేరకు ఉత్తర్వులు జారీ చేసింది.

జమ్ము, శ్రీనగర్​లో రూ.11.86 కోట్లు విలువ చేసే ఆస్తులను ఈడీ స్వాధీనం చేసుకుంది. అయితే వాటి మార్కెట్ విలువ రూ.60కోట్ల పైనే ఉంటుందని తెలుస్తోంది. ఈ కేసులో ఫరూక్​ను ఇదివరకే పలుమార్లు ఈడీ ప్రశ్నించింది.

ఇదీ చూడండి: మళ్లీ ఉగ్రవాదంవైపు కశ్మీరీ యువత- నెలకు 12మంది!