దిల్లీ శాసనసభ ఎన్నికల షెడ్యూలును భారత ఎన్నికల అధికారి సునీల్ అరోడా విడుదల చేశారు. ఫిబ్రవరి 8న దిల్లీలోని 70 అసెంబ్లీ స్థానాలకు పోలింగ్ జరుగుతుందని తెలిపారు. వచ్చే నెల 11న ఓట్ల లెక్కింపు ఉంటుందన్నారు.
షెడ్యూల్ ఇది..
- జనవరి 12 - నోటిఫికేషన్
- జనవరి 14 - నామపత్రాలు దాఖలు ప్రారంభం
- జనవరి 21 - నామపత్రాల దాఖలుకు చివరి గడువు
- జనవరి 24 - నామపత్రాల ఉపసంహరణకు తుది గడువు
- ఫిబ్రవరి 8 - పోలింగ్
- ఫిబ్రవరి 11 - ఫలితాలు
ఈసీ లెక్కల ప్రకారం 2020 జనవరి 6 నాటికి దిల్లీలో 1,46,92,136 మంది ఓటర్లు ఉన్నారు. వీరికోసం 13,750 పోలింగ్ కేంద్రాలను ఏర్పాటు చేస్తున్నట్లు అరోడా తెలిపారు. దిల్లీ ప్రస్తుత శాసనసభ గడువు ఫిబ్రవరి 22తో ముగియనుంది.