60 వసంతాలు పూర్తి చేసుకున్న 'దూరదర్శన్​'

భారత టెలివిజన్​ రంగం గతిని మార్చివేసిన దూరదర్శన్​ ఆవిర్భవించి నేటికి 60 వసంతాలు పూర్తయ్యాయి. ఈ సందర్భంగా పలువురు అభిమానులు దూరదర్శన్​తో తమకున్న అనుబంధాన్ని సామాజిక మాధ్యమాల వేదికగా పంచుకున్నారు. అలనాటి రోజులను గుర్తు చేసుకున్నారు.

దూరదర్శన్​.. భారతదేశ ప్రభుత్వ టీవీ ఛానెల్​. ప్రభుత్వం నియమించిన ప్రసార భారతి బోర్డు ఆధ్వర్యంలో 6 దశాబ్దాలుగా సేవలందిస్తోంది. నేడు దూరదర్శన్​ 60వ వార్షికోత్సవాన్ని పురష్కరించుకుని ఈ ఛానెల్​తో తమకున్న అనుబంధాన్ని సామాజిక మాధ్యమాల వేదికగా పంచుకున్నారు అభిమానులు. దేశంలో వినోదం మహాభారతం, ఫౌజీ, మాల్గుడి ధారావాహికల చుట్టూ తిరిగిన రోజులను నెమరువేసుకున్నారు.

60 వసంతాలు పూర్తి చేసుకున్న 'దూరదర్శన్​'

ట్విట్టర్​ వేదికగా దూరదర్శన్​పై ఉన్న అభిమానాన్ని వ్యక్తం చేశారు ప్రజలు. వారిలో చాలా మంది ' మీ ఇష్టమైన డీడీ షో ఏది' అంటూ పోస్ట్​ చేశారు. కార్యక్రమానికి ముందు మ్యూజిక్​తో పాటు వచ్చే దూరదర్శన్​ లోగోను పోస్ట్​ చేస్తూ తమ చిన్ననాటి జ్ఞాపకాలను గుర్తు చేసుకున్నారు.

60 వసంతాలు పూర్తి చేసుకున్న 'దూరదర్శన్​'

దూరదర్శన్​ 60 వసంతాలు పూర్తి చేసుకున్న సందర్భంగా ప్రసారభారతి సీఈవో శశి శేఖర్​ వేంపతి సంతోషం వ్యక్తం చేశారు.

ప్రసారభారతి సీఈవో శశి శేఖర్​ వేంపతి

" దూరదర్శన్​ పాతబడిపోయిందన్న వాదనలను తోసిపుచ్చేందుకు ఇదే సరైన సమయం. డిజిటల్​ ప్రేక్షకుల కోసం సరికొత్తగా మారుతోంది. దూరదర్శన్​ ఒక్కటే 60వ వార్షికోత్సవాన్ని పూర్తిచేసుకోలేదు, భారతీయ టెలివిజన్​ ప్రసారాలూ 6 దశాబ్దాలు పూర్తి చేసుకున్న చరిత్ర ఇది. భారత్​లో టీవీ పరిశ్రమకు ఇదొక మైలురాయి."

- శశి శేఖర్​ వేంపతి, ప్రసారభారతి సీఈవో

దూరదర్శన్​ అనేది భారత డీఎన్ఏలోనే ఉందన్నారు సంస్థ డైరెక్టర్​ జనరల్​ సుప్రియ సాహూ. 60వ పుట్టిన రోజు శుభాకాంక్షలు తెలిపారు. రానున్న తరాలకు సేవలందించాలని ఆకాంక్షిస్తూ వీడియో సందేశం అందించారు.

60 వసంతాలు పూర్తి చేసుకున్న 'దూరదర్శన్​'

చిన్న ట్రాన్స్​మీటర్​తో...

1959, సెప్టెంబర్​ 15న చిన్న ట్రాన్స్​మీటర్​తో మొదలైంది దూరదర్శన్​ ప్రస్థానం. 1965 నుంచి ఆల్​ ఇండియా రేడియోగా రోజువారీ కార్యక్రమాలు మొదలయ్యాయి. 1972లో టీవీ కార్యక్రమాలు ప్రారంభించి.. 1975 వరకు ముంబయి, అమృత్​సర్​ సహా ఏడు నగరాలకు సేవలను విస్తరించారు. 1976లో రేడియోను టీవీ నుంచి వేరు చేశారు. ప్రారంభం నుంచి ఎప్పటికప్పుడు మార్పులు చేసుకుంటూ ప్రస్తుతం 34 శాటిలైట్​ ఛానళ్లు ప్రసారమవుతున్నాయి.