సామాజిక మాధ్యమాల్లో రాజకీయ పార్టీలు చేపట్టే ప్రచారం, చెల్లింపు ప్రకటనలను తేలిగ్గా తీసుకోవద్దని ఎన్నికల సంఘాన్ని బాంబే హైకోర్టు హెచ్చరించింది . న్యాయవాది సాగర్ సూర్యవంశీ దాఖలు చేసిన ప్రజా ప్రయోజన వ్యాజ్యంపై కోర్టు విచారణ చేపట్టింది .
WWW
ఎన్నికల సంఘంపై ఆగ్రహం
ఎన్నికల సంఘంపై బాంబే హైకోర్టు ఆగ్రహం వ్యక్తం చేసింది. సామాజిక మాధ్యమాల్లో ప్రచారం, ప్రకటనల సమస్యపై కోర్టు అడిగిన ప్రశ్నలకు సమాధానం చెప్పడానికి అధికారిని పంపకపోవటాన్ని తప్పుపట్టింది. ఇది చాలా ముఖ్యమైన విషయమని, తదుపరి విచారణలో అధికారి హాజరుకాకపోతే వారెంట్ జారీ చేయనున్నట్లు ప్రధాన న్యాయమూర్తి జస్టిస్ నరేశ్ పాటిల్, జస్టిస్ ఎన్ఎమ్ జాందార్లతో కూడిన ధర్మాసనం పేర్కొంది. అధికారిని పంపించకపోవడానికి గల కారణాలను తెలపాలని ఆదేశించింది.