చికిత్స చేసిన డాక్టర్​కే కరోనా నిర్ధరణ

కర్ణాటకలో కరోనా సోకిన వ్యక్తికి చికిత్స అందించిన వైద్యుడికి పాజిటివ్​గా తేలినట్లు అధికారులు తెలిపారు. వైద్యుడికి ప్రత్యేక వార్డులో చికిత్స అందిస్తున్నట్లు పేర్కొన్నారు.

కరోనా సాధారణ ప్రజలనే కాకుండా వైద్యులనూ కలవరపెడుతోంది. కర్ణాటక కలబురగిలో ఓ వైద్యుడికి నిర్వహించిన పరీక్షల్లో కరోనా పాజిటివ్​గా తేలినట్లు అధికారులు తెలిపారు. కరోనా సోకి మార్చి 10న మరణించిన వృద్ధుడికి ఈ వైద్యుడే చికిత్స అందించినట్లు చెప్పారు.

ప్రస్తుతం డాక్టర్​కు ఐసోలేషన్ వార్డులో చికిత్స అందిస్తున్నారు. మృతి చెందిన వృద్ధుడు సహా కలబురగిలో ఇప్పటివరకు రెండు పాజిటివ్​ కేసులు నమోదయ్యాయి.