వైద్యం కోసం వచ్చే కరోనా బాధితులకు పడకలను కల్పించి, సకాలంలో వారికి చికిత్సలను అందించాలని ప్రైవేటు ఆసుపత్రులకు కేంద్ర ప్రభుత్వం సూచించింది. వాణిజ్య మండలి ఫిక్కీ, దిల్లీ ఎయిమ్స్‌తో కలిసి కేంద్ర ఆరోగ్య మంత్రిత్వశాఖ శనివారం వర్చువల్‌ సదస్సును నిర్వహించింది. కొవిడ్‌ మరణాలను ఒక శాతం కన్నా తక్కువకు తీసుకురావాలన్న ఉద్దేశంతో సదస్సును నిర్వహించారు.
కేంద్ర ఆరోగ్యశాఖ కార్యదర్శి రాజేశ్‌ భూషణ్‌ సదస్సును ప్రారంభించి ప్రసంగించారు.
"ఆరోగ్య వ్యవస్థలను అందరికీ అందుబాటులో ఉంచాలన్నది సమష్టి లక్ష్యం కావాలి. కరోనా బాధితులను ఆసుపత్రుల్లో చేర్చుకోవటంలో ఎలాంటి అవరోధాలను కల్పించరాదని, సరైన చికిత్సలు అందించటంలో వివక్ష చూపరాదు."