ఆఖరి రోజుకు 'జనమేళా'

ప్రయాగ్​రాజ్ కుంభమేళా చివరిరోజున జనసంద్రమైంది. మహాశివరాత్రి పర్వదినాన త్రివేణీ సంగమంలో పవిత్ర స్నానాలు ఆచరించేందుకు భక్తులు భారీగా తరలివచ్చారు.

మహాశివరాత్రి రోజున త్రివేణీ సంగమంలో పవిత్ర స్నానాలు ఆచరించేందుకు దేశ నలుమూలల నుంచి భక్తులు ప్రయాగ్​రాజ్ చేరుకున్నారు. కుంభమేళా ఉత్సవాలకు సోమవారం ఆఖరి రోజు. ఈ ఒక్క రోజే దాదాపు కోటి మంది భక్తులు పవిత్ర స్నానాలు ఆచరిస్తారని అంచనా. ఆదివారం రాత్రి ప్రయాగ్​రాజ్​లో వర్షాన్ని లెక్కచేయకుండా భక్తులు త్రివేణీ సంగమం చేరుకున్నారు.

రద్దీ దృష్ట్యా ఎలాంటి అవాంఛనీయ ఘటనలు జరగకుండా అధికారులు కట్టుదిట్టమైన భద్రతా ఏర్పాట్లు చేశారు.