జమ్ములో ఇంకా అందుబాటులోకి రాని ఇంటర్నెట్​

జమ్ముకశ్మీర్​లో ప్రభుత్వ ఉత్తర్వులు ఉన్నప్పటికీ పలు ప్రాంతాల్లో అంతర్జాలం, బ్రాడ్​ బ్యాండ్​ సేవలను ఇంకా పునఃప్రారంభించాల్సి ఉంది. సేవలను పునరుద్ధరించినా... అవి అందుబాటులోకి రావడానికి కాస్త సమయం పడుతుందని స్థానిక యంత్రాంగం తెలిపింది.

ప్రభుత్వ ఆదేశాలున్నప్పటికీ జమ్ము​లో ఇంటర్నెట్, బ్రాడ్​బ్యాండ్​ సేవలను ఇంకా పునరుద్ధరించలేదు. ప్రజలు ఇప్పుడు కూడా ఇబ్బందులు ఎదుర్కొంటున్నారు. జమ్ము, సాంబా, కతువా, ఉధంపుర్​, రియాసి జిల్లాల్లో అధికారిక వెబ్​సైట్లను అనుమతిస్తూ 2జీ పోస్ట్​పెయిడ్​ సేవలను పనరుద్ధరించాలని అధికార యంత్రాంగం మంగళవారం ఆదేశాలు జారీ చేసింది. ఆస్పత్రులు, హోటళ్లు, రవాణ సంస్థల్లో బ్రాడ్​బ్యాండ్ సేవలను కల్పించింది ప్రభుత్వం. కానీ అవి అనుకున్నంత స్థాయిలో ప్రజలకు చేరువ కావడం లేదని తెలిసింది.

అయితే ఇంటర్నెట్​, బ్రాడ్​బ్యాండ్​ సేవలను పునరుద్ధరించినట్టు తెలిపిన యంత్రాంగం... పూర్తిస్థాయిలో అందుబాటులోకి రావడానికి కొంత సమయం పడుతుందని స్పష్టం చేసింది.

ఆర్టికల్​ 370 రద్దు అనంతరం జమ్ముకశ్మీర్​లో ఇంటర్నెట్​ తదితర సేవలను ప్రభుత్వం నిషేధించింది. అయితే జమ్ముకశ్మీర్​లో ఇంటర్నెట్​ సేవలను పునరుద్ధరించాలని సుప్రీంకోర్టు ఆదేశించిన నేపథ్యంలో అక్కడి అధికారులు చర్యలకు చేపట్టారు. ఇంటర్నెట్​ సేవలను పొందడం పాథమిక హక్కు అని విచారణ సందర్భంగా సర్వోన్నత న్యాయస్థానం పేర్కొంది.

ఇదీ చూడండి: 5 కెమెరాలతో షియోమీ నుంచి సూపర్ బడ్జెట్​ ఫోన్​!