దిల్లీ తీర్పు​: డిప్యూటీ సీఎంతో విజయం దోబూచులాట!

కేజ్రీవాల్​ న్యూదిల్లీలో హ్యాట్రిక్​ విజయం సాధించారు. ఆప్ అభ్యర్థులు ఇప్పటికే సాధారణ మెజరిటీ స్థానాలను గెలుపొందేందుకు పరిగెడుతున్నారు. అయితే డిప్యూటీ సీఎం మనీశ్​ సిసోడియాతో మాత్రం విజయం దోబూచులాడుతోంది.

మరోసారి దిల్లీ పీఠం అధిష్ఠించేందుకు ఆమ్ఆద్మీ సిద్ధమవుతోంది. ప్రస్తుత ఫలితాల సరళి​ ప్రకారం ఇప్పటికే సాధారణ మెజారిటీ స్థానాలను కైవసం చేసుకునేందుకు ఆప్​ దూసుకుపోతోంది. కానీ పట్​పడ్​​గంజ్​ స్థానం నుంచి బరిలో నిలిచిన పార్టీ సీనియర్​ నేత, డిప్యూటీ సీఎం మనీశ్​ సిసోడియాతో మాత్రం విజయం దోబూచులాడుతోంది. పలు రౌండ్లలో ఆయన వెనుకంజలో ఉండటం, మళ్లీ ఆధిక్యంలోకి రావడం ఇలా జరుగుతోంది.

భాజపా అభ్యర్థి రవి నేగి నుంచి సిసోడియాకు ఆది నుంచి గట్టిపోటీ ఎదురైంది. పలు రౌండ్లలో నేగి ఆధిక్యాన్ని కనబరిచారు.

• ఇదీ చూడండి: ఆప్​ కీ దిల్లీ:​ హ్యాట్రిక్​ దిశగా కేజ్రీ.. మళ్లీ ప్రభంజనం!