'రాష్ట్రంలో సెమిస్టర్​, ఫైనల్​ పరీక్షలు రద్దు'

విశ్వవిద్యాలయాల్లో రానున్న సెమిస్టర్​, ఫైనల్​ పరీక్షలు రద్దు చేయనున్నట్లు దిల్లీ ప్రభుత్వం ప్రకటించింది. కరోనా సంక్షోభం నేపథ్యంలో ఈ నిర్ణయం తీసుకున్నట్లు పేర్కొంది.

కరోనా వైరస్​ విజృంభిస్తున్న తరుణంలో దిల్లీ ప్రభుత్వం కీలక నిర్ణయం తీసుకుంది. దిల్లీలోని విశ్వవిద్యాలయాల్లో రానున్న అన్ని సెమిస్టర్​, ఫైనల్​ పరీక్షలను రద్దు చేస్తున్నట్టు ఆ రాష్ట్ర ఉపముఖ్యమంత్రి మనీశ్​ సిసోడియా శనివారం ప్రకటించారు.

తగిన విధానాలను ఎంపిక చేసి.. విద్యార్థులను పై తరగతులకు ప్రమోట్​ చేయమని.. ఫైనల్​ ఇయర్​ విద్యార్థులకు డిగ్రీ పట్టా అందజేయాలని విశ్వవిద్యాలయాలకు సూచించినట్టు పేర్కొన్నారు సిసోడియా.

కరోనా సంక్షోభంలో పరీక్షలు నిర్వహించడం సాధ్యం కాని విషయమని.. అసాధారణ సమయాల్లో అసాధారణ నిర్ణయాలు తీసుకువాలని వెల్లడించారు.