దిల్లీలో కాంగ్రెస్ పార్టీ కీలక సమావేశం జరిగింది.పార్టీ సీనియర్ నేతలతో పాటు వివిధ రాష్ట్రాల పీసీసీ అధ్యక్షులు, ప్రధాన కార్యదర్శులు, శాసనసభాపక్షనేతలతో ఏఐసీసీ సమావేశం జరిగింది.ప్రస్తుతం దేశంలో నెలకొన్న రాజకీయ పరిస్థితులు సహా ఇతర ప్రధాన అంశాలపై సోనియా చర్చించినట్లు తెలుస్తోంది. ప్రస్తుత పరిస్థితులలో పార్టీ చేపట్టాల్సిన కార్యక్రమాలతో పాటు పార్టీ బలోపేతానికి కృషి చేసేలా నేతలకు సోనియా దిశానిర్దేశం చేసినట్లు సమాచారం.
సమావేశంలో ప్రధానంగా దేశ ఆర్థిక వ్యవస్థ మందగమనంపైనే దృష్టి సారించినట్లు ఉత్తరాఖండ్ మాజీ ముఖ్యమంత్రి, కాంగ్రెస్ సీనియర్ నేత హరీష్ రావత్ తెలిపారు.
'ప్రస్తుతం దేశ ఆర్థిక వ్యవస్థ పరిస్థితి అత్యంత ఆందోళనకరస్థితిలో ఉంది. దేశానికే కాదు ఇది ప్రతి ఒక్కరికీ ఆందోళన కలిగించే విషయం'