ధార్వాడ్లో భవనం కుప్పకూలిన ఘటనలో పెరిగిన మృతుల సంఖ్య కర్ణాటక ధార్వాడ్లో భవనం కుప్పకూలిన ఘటనలో మృతుల సంఖ్య 13కు పెరిగింది. మూడో రోజు సహాయక చర్యల్లో శిథిలాల నుంచి 5 మృతదేహాలు వెలికితీశారు. ఇప్పటి వరకు మొత్తం 56 మందిని రక్షించారు. ఇంకా 12 మంది శిథిలాల కింద ఉన్నట్లు అధికారులు భావిస్తున్నారు. భవన నిర్మాణానికి డిజైన్ రూపొందించిన ఇంజనీర్ వివేక్ పవార్ను పోలీసులు అరెస్టు చేశారు. వివేక్తో పాటు మరో నలుగురు నిందితులు కర్ణాటక మాజీ మంత్రి వినయ్ కులకర్ణికి దగ్గరి బంధవులని పోలీసు వర్గాలు తెలిపాయి.
కర్ణాటక సీఎం హెచ్డీ కుమారస్వామి ఘటనా స్థలంలో సహాయక చర్యలను పరిశీలించారు. ప్రమాదంపై దర్యాప్తునకు జిల్లా అధికారులను అదేశించామని తెలిపారు. అవసరమైతే ఉన్నత స్థాయి విచారణ జరిపిస్తామని అన్నారు.
