మహారాష్ట్ర కొంకణ్ ప్రాంతంలోని అండర్వరల్డ్ డాన్ దావూద్ ఇబ్రహీం ఆస్తులను అధికారులు వేలం వేయనున్నారు. ఇందుకు సంబంధించి ఆస్తుల వేల్యువేషన్ ప్రక్రియ గతేడాదే ముగిసింది.
కొంకణ్ ప్రాంతానికే చెందిన వ్యక్తి దావూద్. రత్నగిరి జిల్లా ఖేడ్ తాలుకాలోని ముంబ్కే గ్రామంలో అతడి పూర్వీకులు నివాసముండేవారు. ఈ గ్రామంతో పాటు అనేక ప్రాంతాల్లో దావూద్కు స్థిరాస్తులు ఉన్నాయి. ఖేడ్లోని విలువైన ఆస్తులు అతడి సోదరి హసినా పార్కర్ పేరు మీద, మిగిలినవి తల్లి అమినా పేరు మీద ఉన్నాయి.
వేలానికి బంగ్లా...
1980లలో ఇక్కడ ఉన్న బంగ్లాలోనే దావూద్ కుటుంబసభ్యులు నివాసముండేవారు. దీనిని దావూద్ ఎంతో విలాసవంతంగా తీర్చిదిద్ది తన తల్లి పేరు మీద ఆస్తి రాయించాడు. 1993 ముంబయి పేలుళ్ల అనంతరం దీనిని దావుద్ కుటుంబసభ్యులు విడిచిపెట్టారు. అప్పటి నుంచి బంగ్లా ఖాళీగానే ఉంది. కానీ ఇప్పుడు ఇది శిథిలావస్తకు చేరింది. ఏ నిమిషంలోనైనా కూలిపోయే పరిస్థితికి నెలకొంది.
తాజాగా ఆదివారం ముంబ్కే గ్రామంలో పర్యటించిన అధికారులు.. దావూద్ ఆస్తులపై సర్వే నిర్వహించారు. స్మగ్లర్స్- ఫారిన్ ఎక్స్ఛేంజ్ మేనిపులేటర్స్ చట్టం కింద వీటిని వేలం వేయనున్నారు. మొత్తం 7 ఆస్తులను వేలం వేయడానికి సన్నద్ధమవుతున్నారు. వీటి విలువ(క్యుములేటివ్ వాల్యూ) రూ. కోటి.
ఇదీ చూడండి:-కేరళ గోల్డ్ స్మగ్లింగ్ కేసుకు దావుద్తో లింకేంటి?
