సైక్లింగ్​ ట్రయల్స్​కు రెడీ అంటున్న బిహార్ బాలిక

తన ప్రతిభను గుర్తించి సైక్లింగ్​ ట్రయల్స్​కు పిలిచినందుకు భారత సైక్లింగ్‌ సమాఖ్య (సీఎస్​ఎఫ్)​కు కృతజ్ఞతలు తెలిపింది బిహార్​ బాలిక జ్యోతి. లాక్​డౌన్​ అనంతరం దిల్లీలో ఈ ట్రయల్స్​కు హాజరుకానున్నట్లు ఈటీవీ భారత్​కు ఇచ్చిన ప్రత్యేక ఇంటర్వ్యూలో వెల్లడించింది. ఇటీవలె తండ్రిని కూర్చొబెట్టుకొని 1200 కి.మీ ప్రయాణించిన జ్యోతిపై.. అమెరికా అధ్యక్షుడి కుమార్తె ఇవాంక ట్రంప్​​ కూడా ప్రశంసలు కురిపించారు.

అనారోగ్యంతో ఉన్న తన తండ్రిని కూర్చొబెట్టుకొని 12 వందల కి.మీ సైకిల్​ తొక్కిన బిహార్​ బాలిక జ్యోతి కుమారి ఇప్పుడు ఫేమస్​ స్టార్​ అయిపోయింది. ఆమెలోని సైక్లింగ్‌ నైపుణ్యాన్ని గుర్తించిన భారత సైక్లింగ్‌ సమాఖ్య (సీఎస్‌ఎఫ్‌).. ట్రయల్స్​కు ఆహ్వానించింది. ఇందుకోసం లాక్​డౌన్​ అనంతరం దిల్లీకి వెళ్లనుంది జ్యోతి.

సీఎఫ్​ఐ తనను సైకిల్​ పోటీలకు పిలవడం ఎంతో సంతోషంగా ఉందని ఈటీవీ భారత్​కు ఇచ్చిన ప్రత్యేక ఇంటర్వ్యూలో జ్యోతి తెలిపింది. వచ్చే నెలలో ట్రయల్స్​కు హాజరుకానున్నట్లు పేర్కొంది. ఆమె చదువుతో పాటు, ఇతర ఖర్చులన్నీ తామే చూసుకుంటామని సీఎఫ్​ఐ చెప్పినట్లు జ్యోతి వెల్లడించింది. ఇదొక గొప్ప సదవకాశంగా భావిస్తున్నట్లు తెలిపింది.

బిరుదులతో సత్కారం..

అమెరికా అధ్యక్షుడు డొనాల్డ్ ట్రంప్​ కుమార్తె ఇవాంకా ట్రంప్​ సైతం జ్యోతిపై ప్రశంసలు కురిపించారు. జ్యోతి గొప్పతనానికి మెచ్చి.. సమాజ్​వాది పార్టీ అధ్యక్షుడు అఖిలేశ్‌ యాదవ్​ లక్ష రూపాయల ఆర్థిక సాయం ప్రకటించారు. ఇక జన అధికార్​ పార్టీ జాతీయ అధ్యక్షుడు పప్పు యాదవ్​ జ్యోతిని ప్రశంసిస్తూ రూ.20వేల బహుమతి ఇచ్చారు. ప్రభాత్​ దాస్​ ఫౌడేషన్​ జ్యోతికి 'మిథిలా వీరంగ సమ్మాన్'​ బిరుదును ప్రదానం చేసి ఆమెకు జ్ఞాపికను బహూకరించింది.

జ్యోతి కుమారి

జ్యోతి కుమారి

ఇదీ చూడండి:సైక్లింగ్​ ట్రయల్స్​ కోసం జ్యోతి కుమారికి పిలుపు