'అనుమతులు లేమితో విచారణలో జాప్యం'

అవినీతి ఆరోపణలున్న ఉద్యోగులను విచారించేందుకు కేంద్ర విజిలెన్స్ కమిషన్​ ఎదురు చూస్తోంది. 41 కేసుల్లో 79 మంది కేంద్ర ప్రభుత్వ ఉద్యోగులు ఆరోపణలు ఎదుర్కొంటున్నారు. అయితే నాలుగు నెలలు దాటినా ఆయా ప్రభుత్వ విభాగాలు విచారణకు అనుమతులివ్వలేదని సీవీసీ పేర్కొంది.

79 మంది కేంద్ర ప్రభుత్వ ఉద్యోగులు అవినీతి కేసుల్లో ఆరోపణలు ఎదుర్కొంటున్నారు. అయితే ఆయా ప్రభుత్వ విభాగాల నుంచి అనుమతులు రాకపోవటం వల్ల విచారణ ఆలస్యమవుతోందని కేంద్ర విజిలెన్స్​ కమిషన్​ తెలిపింది.

"ఈ కేసుల విచారణ అనుమతులు నాలుగు నెలలుగా పెండింగ్​లో ఉన్నాయి. దీనిపై త్వరగా స్పందించాలని సంబంధిత ప్రభుత్వ విభాగాలు, బ్యాంకు​ అధికారులను కోరుతూనే ఉన్నాం."
-సీవీసీ అధికారి

మొత్తంగా 41 కేసుల్లో వీరందరిపై అవినీతి ఆరోపణలు ఉన్నాయి. ఇందులో నాలుగు విభాగాలకు చెందిన ఉద్యోగులతో పాటు ఓ ఐఏఎస్ అధికారి ఉన్నారు. 13 మంది బ్యాంక్​ ఉద్యోగులు కూడా ఉన్నారు.

నిబంధనల ప్రకారం ఇటువంటి కేసుల్లో విచారణ అనుమతులు నాలుగు నెలల్లోనే ఇవ్వాల్సి ఉంటుంది.

ఇదీ చూడండి: ఆజంఖాన్​, మేనకా గాంధీపైనా ఈసీ నిషేధం...