'విపత్తు నిర్వహణలో అగ్రగామిగా భారత్'

విపత్తు నిర్వహణ సమయంలో చేపట్టాల్సిన చర్యలపై ఓ స్పష్టమైన ప్రణాళిక రూపొందించాలని ఎన్​డీఆర్​ఎఫ్​కు పిలుపునిచ్చారు కేంద్ర హోంమంత్రి అమిత్​షా.  రాష్ట్రాల విపత్తు నిర్వహణ బృందాల సన్నద్ధతపై ఎన్డీఆర్​ఎఫ్ ఆధ్వర్యంలో ఏర్పాటు చేసిన వార్షిక సమావేశంలో ఆయన ప్రసంగించారు. అడవుల్లో మంటలు ఆర్పేందుకు అవసరమైన నైపుణ్యాన్ని భారత్​ సమకూర్చుకోవాలని ఆకాంక్షించారు.

భారత్​ను విపత్తు నిర్వహణలో ముందంజలో నిలబెట్టడమే లక్ష్యమన్నారు కేంద్ర హోంమంత్రి అమిత్​షా. విపత్తులను సమర్థంగా ఎదుర్కొనేందుకు గొలుసుకట్టు ఆదేశాల విధానాన్ని రూపొందించాలని సూచించారు. విపత్తు నిర్వహణలో రాష్ట్రాల సన్నద్ధతపై దిల్లీలో ఏర్పాటు చేసిన వార్షిక సమావేశంలో ఆయన ప్రసంగించారు.
హోంమంత్రిగా బాధ్యతలు చేపట్టిన అనంతరం ప్రథమ బహిరంగ సమావేశంలో పాల్గొన్నారు షా.

ఎన్డీఆర్​ఎఫ్, ఎస్​డీఆర్​ఎఫ్ దళాల పనితీరును ప్రశంసించారు అమిత్​షా. 12వేల మంది విపత్తు నిర్వహణ సిబ్బందికి ఆధునిక పరికరాలు అందజేయనున్నామని, మౌలిక వసతులను పెంచనున్నామని స్పష్టం చేశారు.

ఎన్డీఆర్​ఎఫ్ ఒక రంగాన్ని విస్మరించింది. వాతావరణ మార్పుల కారణంగా అడవులు కాలిపోవడం పెరిగింది. అక్కడ ఉన్న ప్రజలను రక్షించడం, అడవులు తగలబడకుండా కాపాడటం మన పనే. ప్రపంచవ్యాప్తంగా కార్చిచ్చును ఆపేందుకు వివిధ దేశాలు నైపుణ్యం సాధించాయి. ఆ సాంకేతికతను మనం తీసుకోవాలి. అడవులు తగలబడిపోకుండా చర్యలు చేపట్టాలి.

- అమిత్​షా, కేంద్ర హోంమంత్రి

ఇదీ చూడండి: సీఎంకు ట్రాఫిక్​ చలానా- 4 నెలలుగా పెండింగ్