అసోం దరంగ్ జిల్లాలో ఓ వ్యక్తి పేరు ఇప్పుడు ఆ ప్రాంతంలో భయం పుట్టిస్తోంది. రెండు రోజుల క్రితం మంగల్దోయ్ ప్రభుత్వాసుపత్రిలో కరోనా బారి నుంచి కోలుకున్న 14 మంది పేర్లను చదివారు వైద్యులు. ఆ జాబితాలో చదివిన పేరు తన పేరులాగే వినిపించి కొవిడ్ నుంచి కోలుకున్నాడని నిర్ధరించకముందే ఓ వ్యక్తి స్పందించాడు. కరోనా నయం అయ్యిందనుకుని ఇంటికి వెళ్లిపోయాడు.
అయితే ఆ పేరు తనది కాదని, దల్గావ్కు చెందిన మరో వ్యక్తి పేరని వైద్యులకు తర్వాత తెలిసింది. దీంతో హుటాహుటిన అంబులెన్స్ పంపి... ఆ వ్యక్తిని తిరిగి ఆసుపత్రికి తీసుకొచ్చారు. మళ్లీ పరీక్షలు నిర్వహించారు. అదృష్టవశాత్తూ ఆ వ్యక్తికీ కరోనా నయమైపోయిందని తేలింది.