దేశంలో కొవిడ్ కోరలు చాస్తోంది. ముఖ్యంగా మహారాష్ట్రలో రోజువారి కేసుల సంఖ్య అంతకంతకూ పెరిగిపోతోంది. ఇవాళ కొత్తగా 10,230 మందికి వైరస్ సోకగా.. మొత్తం బాధితుల సంఖ్య 4,22,118కు చేరింది. మరో 265 మంది మృతితో.. మరణాల సంఖ్య రికార్డు స్థాయిలో 15 వేలకు చేరువైంది.
ఇవాళ 7,543 మంది బాధితులు వైరస్ నుంచి కోలుకున్నారు. మొత్తంగా 2,56,158 మంది మహమ్మారి నుంచి బయటపడ్డారు.
కన్నడ నాట కరోనా విస్తరిస్తోందిలా..
దక్షిణాది రాష్ట్రం కర్ణాటకలోనూ కరోనా విలయం కొనసాగుతోంది. వరుసగా ఎనిమిదో రోజూ 5 వేలకు పైగా వైరస్ కేసులు నమోదయ్యాయి. ఒక్కరోజు వ్యవధిలో 5,483 కొత్త కేసులు వెలుగుచూడగా.. మొత్తం 1,24,115 మంది కొవిడ్ బారినపడ్డారు. వైరస్ ధాటికి మరో 84 మంది ప్రాణాలు కోల్పోగా.. మృతుల సంఖ్య 2,314కు చేరింది.
వైరస్ నుంచి కోలుకొని శుక్రవారం నాడు 3,130 మంది డిశ్చార్జ్ అయ్యారు. ఫలితంగా ఇప్పటివరకు మొత్తం 49,788 మందికి వైరస్ నయమైనట్లయింది. సుమారు 72 వేల మంది వివిధ ఆసుపత్రుల్లో చికిత్స పొందుతున్నారు.