విదేశాల్లోని మన వాళ్లకు భారత​ ఎంబసీల సూచనలు.!

విదేశాల్లోని భారతీయులకు పలు సూచనలు చేశాయి మన రాయబార కార్యాలయాలు. ఆయా దేశాల్లోని భారతీయులు జాగ్రత్తగా ఉండాలని పేర్కొన్నాయి. అదే సమయంలో ఈ నెల 22నుంచి వారంపాటు విమానాల రాకపోకలపై ఆంక్షలు విధించిన నేపథ్యంలో భారత్​కు వచ్చే చివరి విమాన సర్వీసులపై సమాచారమిచ్చాయి.

కరోనా ​విజృంభిస్తున్న నేపథ్యంలో విదేశాల్లోని భారతీయులకు పలు మార్గదర్శకాలు జారీ చేశాయి భారత రాయబార కార్యాలయాలు. వైరస్​ నుంచి తమను తాము జాగ్రత్తగా కాపాడుకోవాలని సూచించాయి.

కెనడా, గ్రీస్, ఫిన్​లాండ్, ఎస్టోనియా, ఇజ్రాయెల్, జపాన్, వియత్నాం, బల్గేరియా, ఉత్తర మాసిడోనియా, రష్యా, క్యూబా, బ్రెజిల్, స్విట్జర్లాండ్​ల్లోని రాయబార కార్యాలయాలు ఆయా దేశాల్లోని భారతీయులకు ఇప్పటికే అడ్వైజరీలు జారీ చేశాయి.

ఫ్రాన్స్​లోని రాయబార కార్యాలయం అక్కడి భారతీయులకు కరోనా విషయంలో జాగ్రత్తగా ఉండాలని హెచ్చరికలు జారీ చేసింది. మార్చి 22 నుంచి వారంపాటు భారత్​కు వచ్చే వాణిజ్య విమానాల రాకపోకలపై నిషేధం విధించిన నేపథ్యంలో స్వదేశానికి రావాలని అనుకునేవారికి సమాచారం అందించింది.

ప్యారిస్ నుంచి బయల్దేరాల్సిన ఖతార్ ఎయిర్​లైన్స్​కు చెందిన విమానం టేకాఫ్​ అయ్యే సమయాన్ని ఇప్పటికే ప్రకటించింది రాయబార కార్యాలయం.

"ఖతార్ విమానయాన సంస్థ ఫ్రాన్స్ నుంచి ఒక సర్వీసును నడుపుతోంది. భారత్​కు వెళ్లాలి అనుకునేవారు పారిస్​లో అందుబాటులో ఉండే ఈ సర్వీసు టికెట్లను బుక్ చేసుకోవచ్చు. మరో విమానాన్ని ఏర్పాటు చేయాలంటే రాయబార కార్యాలయానికి సమస్యగా పరిణమించవచ్చు."

-ఫ్రాన్స్​లోని భారత కార్యాలయం

గ్రీస్​లో..

గ్రీస్​ దేశంలోని విద్యార్థులు జాగ్రత్త వహించాలని అక్కడి రాయబార కార్యాలయం సూచించింది. భారత్​, గ్రీస్ ప్రభుత్వాలు జారీ చేసే మార్గదర్శకాలను పాటించాలని చెప్పింది.

కజకిస్థాన్, కెనడాలో..

కజకిస్థాన్​లోని విద్యార్థులు అల్​మాటీ విమానాశ్రయంలో భారత విమానం కోసం వేచి చూడాలని తెలిపింది. అదే సమయంలో ఇజ్రాయెల్​లోని భారతీయులు అనవసర ప్రయాణాలు పెట్టుకోవద్దని అక్కడి ఎంబసీ సూచించింది. కెనడాలోని భారతీయులు సురక్షితంగా ఉండేందుకు స్వీయ నియంత్రణ చర్యలు తీసుకోవాలని చెప్పింది మన రాయబార కార్యాలయం.

ఇదీ చూడండి: ఇది కరోనా కాలం.. బాధ్యత ఉండక్కర్లేదా?