బెంగళూరులో విజృంభిస్తున్న గంజాయి అక్రమ వ్యాపారులపై వేటు వేసే పనిలోపడ్డారు పోలీసులు. అయితే, శుక్రవారం పోలీసులను కష్టపెట్టకుండానే మరో గంజాయి కేసు బయటపడింది. ఓ బాలుడికి వచ్చిన పార్సిల్లో గంజాయి పొట్లాలు చూసి తల్లిదండ్రులే పోలీసులకు అప్పజెప్పారు.
సిలికాన్ సిటీకి చెందిన 14 ఏళ్ల బాలుడి పేరుపై ఓ కొరియర్ వచ్చింది. పార్సిల్ తీసుకుని తెరచి చూశారు తల్లిదండ్రులు. ఆ డబ్బా నిండా గంజాయి ప్యాకెట్ల కనిపించేసరికి ఒళ్లంతా చెమటలు పట్టాయి. వెంటనే కబ్బన్ పార్క్ పోలీసులకు సమాచారమిచ్చారు. అభంశుభం తెలియని పిల్లలను.. డ్రగ్స్ మాఫియా అక్రమ దందాలోకి లాగుతోందని తీవ్ర ఆందోళన చెందుతున్నారు.