దివ్యాంగుల వెన్ను ఈ 'అరైస్​' వీల్​ చెయిర్​

దివ్యాంగుల సౌకర్యం కోసం నిల్చునే వీల్​చెయిర్​ను తయారు చేసింది ఐఐటీ మద్రాస్. ఫీనిక్స్ మెడికల్ సిస్టమ్స్ అనే సంస్థ భాగస్వామ్యంతో ఈ వీల్​చెయిర్​ను రూపొందించారు. అరైస్​గా నామకరణం చేసిన ఈ పరికరం.. కేంద్రమంత్రి థావర్ చంద్ గహ్లోత్ చేతులమీదుగా విడుదలైంది.

నిత్య జీవితంలో నడక ద్వారా మన పనులు సాగిస్తుంటాం. అయితే కూర్చుని చేసే ఉద్యోగాల్లోనూ కాసేపు నిల్చోవాలని.. అటు ఇటు తిరగాలని వైద్యనిపుణులు సూచిస్తూనే ఉన్నారు. సుదీర్ఘ ప్రయాణాల్లో కూర్చుని ప్రయాణించడం అంటేనే నరకం కదూ.. ఎప్పుడూ కూర్చోనే ఉండాలంటే.. చాలా కష్టం కదూ. మరి లేచి నడవలేని దివ్యాంగుల పరిస్థితి ఊహించుకోండి.. ఎంతో ఇబ్బంది. కదలలేని కాళ్లకు తోడు.. ఎప్పుడూ కూర్చునే ఉండటం వల్ల వారికి చాలా కష్టంగా ఉంటుంది. ఇప్పుడు ఈ సమస్యకు పరిష్కారాన్ని ఇచ్చింది ఐఐటీ మద్రాస్​.

ఫీనిక్స్ మెడికల్ సిస్టమ్స్ భాగస్వామ్యంతో దివ్యాంగులు నిల్చునేందుకు వీలుగా వీల్​ చెయిర్​ను తయారుచేసి అందరి మన్ననలు పొందుతున్నారు ఐఐటీ మద్రాస్​ విద్యార్థులు. ఇలాంటి వీల్ చెయిర్​ తయారుచేయడం దేశంలో ఇదే మొట్టమొదటిసారి.

అరైస్​గా నామకరణం చేసిన ఈ వీల్​ చెయిర్ కేంద్రమంత్రి థావర్​ చంద్ గహ్లోత్ చేతులమీదుగా విడుదలైంది. ఈ వీల్​చెయిర్​పై నిల్చునే ఒక చోటు నుంచి మరో చోటికి వెళ్లొచ్చు.

"దివ్యాంగులు నిల్చున్న స్థితిలోనే ఒకచోటు నుంచి మరో చోటుకి వెళ్లొచ్చు. స్వతంత్రంగా, నియంత్రించే పద్ధతిలో రెండు రకాలుగా దీనిని ఉపయోగించొచ్చు."

-ఐఐటీ ప్రకటన

మద్రాస్​ ఐఐటీ మెకానికల్ విభాగం ఆధ్వర్యంలోని పునరావాస పరిశోధన-పరికరాల అభివృద్ధి(ఆర్​2డీ2) కేంద్రం.. ప్రొఫెసర్ సుజాత శ్రీనివాసన్ నేతృత్వంలోని బృందం 2015 నుంచి మానవ కదలికలకు అవసరమైన యంత్ర పరికరాల రూపకల్పన కోసం పరిశోధన చేస్తోంది. దివ్యాంగుల సౌకర్యం కోసం ఐఐటీ మద్రాస్ చేసిన కృషిని అభినందించారు కేంద్రమంత్రి థావర్​చంద్ గహ్లోత్.

ఇదీ చూడండి: 'ఫడణవీస్​పైనే 'మహా' భవిష్యత్తు అధారపడి ఉంది'