ఎయిర్​ ఇండియా సిబ్బందికి మోదీ ప్రశంసాపత్రాలు

చైనా నుంచి 647 మంది భారతీయులను సురక్షితంగా స్వదేశానికి​ చేర్చిన ఎయిర్​ ఇండియా సిబ్బందికి ప్రధాని నరేంద్రమోదీ సంతకంతో కూడిన ప్రశంసాపత్రాలు అందజేశారు. ఈ పత్రాలను పౌరవిమానయాన మంత్రి హర్​దీప్​ సింగ్​ పూరి తన చేతులమీదుగా ఇచ్చారు.

కరోనా వైరస్​ నేపథ్యంలో 647 మంది భారతీయులను చైనా వుహన్​ నుంచి రెండు ప్రత్యేక విమానాల ద్వారా తీసుకొచ్చిన ఎయిర్​ ఇండియా సిబ్బందిని ప్రధాని నరేంద్రమోదీ ప్రశంసించారు. మొత్తం 68 మందికి మోదీ సంతకం చేసిన ప్రశంసాపత్రాలను విమానయాన శాఖ మంత్రి హర్​దీప్​ సింగ్​ పూరి అందజేశారు.

"ఈ సమావేశం ఎంతో ప్రత్యేకం. వృత్తి పట్ల మీకున్న గౌరవానికి ఇది ప్రతీక. వాణిజ్య అంశాలకు ఎంతో ప్రాధాన్యం ఉన్నప్పటికీ దేశంపై ఎయిర్​ ఇండియా అంకితభావం కలిగి ఉంది. ఇది ఓ ఉన్నత సంస్థ. ప్రస్తుతం ఎయిర్​ ఇండియా 42 అంతర్జాతీయ, 82 దేశీయ గమ్యస్థానాలకు తన సేవలను అందిస్తుంది."

- హర్​దీప్​ సింగ్​ పూరి, విమానయాన మంత్రి.

ప్రధాని ప్రశంసాపత్రాలపై ఎయిర్​ ఇండియా ఛైర్మన్​, మేనేజింగ్​ డైరెక్టర్ హర్షం వ్యక్తం చేశారు. ​

జనవరి 31న వుహాన్​ నుంచి 347 మంది భారతీయులను ఎయిర్​ ఇండియాకు చెందిన బీ-747 ప్రత్యేక విమానం ద్వారా భారత్​కు తీసుకొచ్చారు. మరుసటి రోజు ఇదే విమానంలో మాల్దీవులకు చెందిన ఏడుగురు వ్యక్తులతో పాటు, భారత్​కు చెందిన మరో 323 మందిని స్వదేశానికి చేర్చారు.

ఇదీ చూడండి:ఆప్​: 'ఇదే సరైన తరుణం.. జాతీయ పార్టీగా ఎదుగుదాం'