కరోనా వ్యాప్తిని అరికట్టేందుకు పలు స్వేచ్ఛ వాణిజ్య సభ్య దేశాల నుంచి ప్రయాణికుల రాకపోకలపై ఆంక్షలు విధించింది కేంద్ర ప్రభుత్వం. దీన్ని సవాలు చేస్తూ దిల్లీ హైకోర్టులో వ్యాజ్యం దాఖలవగా ధర్మాసనం విచారణకు స్వీకరించింది. వ్యాజ్యంపై కేంద్ర ప్రభుత్వ స్పందనను కోరింది. ఈ మేరకు జస్టిస్ జేఆర్ మిధాతో కూడిన ధర్మాసనం కేంద్ర ఆరోగ్య, గృహ వ్యవహారాల మంత్రిత్వ శాఖలు, డైరెక్టరేట్ జనరల్ ఆఫ్ సివిల్ ఏవియేషన్స్కు నోటీసులు జారీ చేసింది.
'విదేశాల్లోని విద్యార్థులపై కేంద్రం స్పందించాలి' - కేంద్ర ప్రభుత్వం
కరోనా ప్రభావిత దేశాల్లో చిక్కుకున్న భారతీయ విద్యార్థులను తీసుకురావడంపై కేంద్ర ప్రభుత్వం స్పందించాలని దిల్లీ హైకోర్టు కోరింది. విదేశాల్లోని విద్యార్థులను తీసుకొచ్చేందుకు కేంద్రం అనుమతివ్వకపోవడంపై కోర్టులో పిటిషన్ దాఖలు కాగా.. ధర్మాసనం విచారణకు అంగీకరించింది.
'విదేశాల్లోని విద్యార్థులపై కేంద్రం స్పందించాలి'
కొవిడ్-19 మహమ్మారి వ్యాప్తిని అరికట్టేందుకు కేంద్ర ప్రభుత్వం పలు జాగ్రత్తలు తీసుకుంటోంది. ఈనెల 18 నుంచి యూరోపియన్ యూనియన్, యూకే, టర్కీ, స్వేచ్ఛ వాణిజ్య సంఘం సభ్య దేశాల నుంచి ప్రయాణికుల రాకపోకలపై ఆంక్షలు విధిస్తున్నట్లు ఓ సర్క్యులర్ను తీసుకొచ్చింది. దీనికి వ్యతిరేకంగా స్కాట్లాండ్లో చదువుతున్న భారత విద్యార్థి తండ్రి వ్యాజ్యం దాఖలు చేశారు. ఈ వ్యాజ్యాన్ని విచారణకు అంగీకరించిన దిల్లీ హైకోర్టు కేంద్రానికి నోటీసులు జారీ చేశారు.
ఇదీ చదవండి:206కు చేరిన కరోనా కేసులు- వాట్సాప్ నంబర్ విడుదల