ఒక్కరోజులో 15,968 కరోనా కేసులు‬, 465 మరణాలు

దేశంలో కరోనా కేసులు నానాటికీ పెరుగుతున్నాయి. తాజాగా దేశవ్యాప్తంగా 15,968 కొవిడ్​ కేసులు నమోదయ్యాయి. 465 మంది కరోనా కాటుకు బలయ్యారు.

దేశంలో కరోనా మహమ్మారి పంజా విసురుతోంది. రోజురోజుకూ సరికొత్త రికార్డులు నమోదవుతున్నాయి. వైరస్​ కారణంగా మరణించే వారి సంఖ్య నానాటికీ పెరుగుతోంది. దేశవ్యాప్తంగా గడిచిన 24 గంటల్లో 15,968 కొత్త కేసులు నమోదయ్యాయి. మరో 465 మంది వైరస్​కు బలయ్యారు. ఒక్కరోజులో నమోదైన కేసులు, మరణాల్లో ఇదే అత్యధికం. దేశవ్యాప్తంగా మొత్తం కేసుల సంఖ్య నాలుగున్నర లక్షలు దాటింది.

దేశవ్యాప్తంగా కరోనా కేసుల వివరాలు

అధికంగా ప్రభావితమైన రాష్ట్రాల్లో..

• మహారాష్ట్రలో కరోనా విలయతాండవం చేస్తోంది. మొత్తం కేసుల సంఖ్య 1,39,010కు చేరింది. 6531 మంది ప్రాణాలు కోల్పోయారు. 69,631 మంది కోలుకున్నారు. 62,848 మంది చికిత్స పొందుతున్నారు.
• తమిళనాడులో రోజు రోజుకు కేసుల సంఖ్య భారీగా పెరుగుతోంది. రాష్ట్రవ్యాప్తంగా మొత్తం కేసుల సంఖ్య 64,603కు చేరింది. 833 మంది మృతి చెందారు. 28,431 యాక్టివ్​ కేసులు ఉన్నాయి.
• దిల్లీలో కేసుల సంఖ్య 66602కు చేరింది. మొత్తం 2301 మంది ప్రాణాలు కోల్పోయారు. 39,313 మంది వైరస్​ నుంచి కోలుకోగా.. 24,988 మంది చికిత్స పొందుతున్నారు.

ఇదీ చూడండి: 'భారత్​- చైనా' మధ్య 11 గంటల చర్చ ఎందుకంటే?