20:55 April 21
లాక్డౌన్ వేళ మరిన్ని మినహాయింపులు...
దేశవ్యాప్తంగా మే 3 వరకు లాక్డౌన్ను అమలు చేయాలని ఆదేశించిన కేంద్రం.. తాజాగా కొన్ని మినహాయింపులు ఇచ్చింది.
20:45 April 21
మహారాష్ట్రలో 552 కేసులు..
మహారాష్ట్రలో కరోనా వేగంగా విజృంభిస్తోంది. గత 24 గంటల్లో 552 కేసులు నమోదైనట్లు ఆ రాష్ట్ర వైద్య విభాగం వెల్లడించింది. ఇందులో 419 కేసులు ముంబయి నుంచే రావడం ఆందోళన కలిగిస్తోంది. అంతేకాకుండా రాష్ట్రవ్యాప్తంగా 19 మంది మృతిచెందారు. మొత్తం మరణాల సంఖ్య 251కి చేరింది. బాధితుల సంఖ్య 5,218కి చేరింది.
20:34 April 21
దిల్లీలో మరో 75మందికి వైరస్
దిల్లీలో మరో 75మందికి కరోనా సోకింది. దీంతో అక్కడ వైరస్ బాధితుల సంఖ్య 2156కు పెరిగింది. మృతుల సంఖ్య 47గా ఉంది.
20:16 April 21
గుజరాత్లో 13మంది మృతి..
వైరస్ కారణంగా గుజరాత్లో మరో 13మంది నేడు ప్రాణాలు కోల్పోయారు. దీంతో రాష్ట్రంలో కరోనా మృతుల సంఖ్య 90కి చేరింది. రాష్ట్రంలో మరో 112మంది వైరస్ బారిన పడ్డారు. దీంతో బాధితుల సంఖ్య 2178కి పెరిగింది.
20:13 April 21
ముంబయిలో లాక్డౌన్ సడలింపులు రద్దు..
ముంబయి, పుణెల్లో లాక్డౌన్ సడలింపులను రద్దు చేసింది మహారాష్ట్ర సర్కారు. రెండు నగరాల్లో సోమవారం ఎక్కువగా వైరస్ కేసులు నమోదయిన కారణంగా ఈ నిర్ణయం తీసుకుంది. మహారాష్ట్రలో ముంబయి, పుణెలు కరోనా హాట్స్పాట్లుగా మారాయి.
19:51 April 21
మధ్యప్రదేశ్లో 67 కేసులు...
మధ్యప్రదేశ్లో కొత్తగా 67 కరోనా కేసులు నమోదయ్యాయి. ఫలితంగా బాధితుల సంఖ్య 1552కి చేరింది. ఇప్పటివరకు 80 మంది మృతిచెందారు.
19:35 April 21
ధారవిలో 12 కేసులు...
ముంబయిలోని మురికివాడ ధారవిలో తాజాగా 12 కరోనా కేసులు నమోదయ్యాయి. మొత్తం కేసుల సంఖ్య 180కి చేరింది. ఒకరు వైరస్ కారణంగా మృతి చెందారు.
19:00 April 21
మరో నాలుగు జిల్లాల్లో కేసులే లేవు!
23 రాష్ట్రాలు/కేంద్రపాలిత ప్రాంతాలకు సంబంధించిన 61 జిల్లాల్లో.. గత 14 రోజులుగా ఒక్క కరోనా కేసు నమోదు కాలేదు. తాజాగా ఆ జాబితాలో మహారాష్ట్రలోని మరో 4 జిల్లాలు చేరాయి. ఇందులో లాతుర్, ఒస్మానాబాద్, హింగోలి, వాషిమ్ ప్రాంతాలు ఉన్నాయి.
ఇప్పటివరకు దేశవ్యాప్తంగా 18,985 కేసులు నమోదవగా.. 3260 మంది డిశ్చార్జి అయ్యారు. దేశవ్యాప్తంగా కోలుకున్నవారి శాతం 17.48గా ఉన్నట్లు కేంద్ర ఆరోగ్యశాఖ వెల్లడించింది.
18:46 April 21
తమిళనాడులో వైరస్ కేసులు...
తమిళనాడులో మరో 76 కరోనా పాజిటివ్ కేసులు నమోదయ్యాయి. ఫలితంగా మొత్తం బాధితుల సంఖ్య 1596కు చేరింది. ఇప్పటివరకు 18 మంది చనిపోయారు.
18:44 April 21
కేరళలో కోరనా...
కేరళ రాష్ట్రంలో కరోనా కేసులు పెరుగుతున్నాయి. తాజాగా మరో 19 కేసులు నమోదైనట్లు అధికారులు వెల్లడించారు.
18:05 April 21
వేసవి సెలవులు రద్దు
మే 3 తర్వాత లాక్డౌన్ ఎత్తివేస్తే.. వేసవి సెలవులను రద్దు చేసుకోనున్నట్లు ప్రకటించింది బొంబాయి హైకోర్డు. మే 7 నుంచి జూన్ 7 వరకు సెలవులు లేకుండా పనిచేయనున్నట్లు తెలిపింది.
18:03 April 21
బంగాల్లో 3 మరణాలు...
బంగాల్లో కరోనా కారణంగా ముగ్గురు మృతి చెందారు. మొత్తం మరణాల సంఖ్య 15కు చేరింది.
17:31 April 21
భారత్లో మృతుల సంఖ్య @ 603
దేశవ్యాప్తంగా కరోనా వైరస్ వ్యాప్తి పెరుగుతోంది. మహమ్మారి బారిన పడిన వారి సంఖ్య 18,985కి చేరింది. ఇందులో 3,260 మంది కోలుకోగా.. 603 మంది చనిపోయారు.
17:11 April 21
రికవరీ రేటు 17.47 శాతం...
దేశంలో కరోనా బారినపడిన వారిలో రికవరీ రేటు 17.47 శాతంగా ఉందని కేంద్ర ఆరోగ్యశాఖ తెలిపింది. ఇప్పటివరకు ఈ మహమ్మారి సోకిన వారిలో 3252 మంది కోలుకున్నారని స్పష్టం చేసింది.
16:32 April 21
15:30 April 21
కరోనా పంజా...
ప్రపంచవ్యాప్తంగా కరోనా ధాటికి చనిపోయిన వారి సంఖ్య 171,241కి చేరింది. మొత్తం బాధితుల సంఖ్య 25 లక్షలకు చేరువలో ఉంది.
15:07 April 21
కరోనా పంజా...
స్పెయిన్లో మళ్లీ కరోనా వైరస్ పుంజుకుంది. గత 24 గంటల్లో 430 మంది ప్రాణాలు కోల్పోయారు.
14:10 April 21
చెన్నైలో ఓ టీవీ ఛానల్లో పనిచేసే 25 మందికి కరోనా సోకినట్లు నిర్ధరణ అయింది. వీరిలో పాత్రికేయులు, ఇతర సిబ్బంది ఉన్నట్లు తెలుస్తోంది. అధికారులు వారిని ఆస్పత్రికి తరలించి చికిత్స అందిస్తున్నారు. వారి కుటుంబ సభ్యులు, సన్నిహితుల్ని క్వారంటైన్ చేస్తున్నారు.
13:08 April 21
ఛాన్స్ ఇస్తే లైన్లు కట్టేశారు!
దిల్లీ-ఘజియాబాద్ సరిహద్దు వద్ద భారీగా వాహనాల రద్దీ ఏర్పడింది. వందలాది మంది అత్యవసర సేవలు, నిత్యవసర వస్తువుల కొనుగోళ్ల పాస్లతో బయటికి వస్తున్నారు. ఈ క్రమంలో రోడ్లన్నీ వాహనాలతో నిండిపోయాయి. ప్రస్తుతం పరిస్థితి అదుపులోనికిి తెచ్చేందుకు రాకపోకలను నిషేధించారు పోలీసులు.
12:56 April 21
ఉల్లంఘనులకు గుంజీల శిక్ష...
మహారాష్ట్రలో రోజురోజుకు కరోనా కేసులు పెరుగుతున్నాయి. వైరస్ వ్యాప్తి నియంత్రణలో భాగంగా ఆ రాష్ట్ర ప్రభుత్వం లాక్డౌన్ నిబంధనలు పక్కాగా అమలు చేస్తోంది. అయితే కొంతమంది నియమాలను పట్టించుకోవట్లేదు. రోడ్ల మీదకు వచ్చి ఇష్టారాజ్యంగా తిరుగుతున్నారు. ఈ నేపథ్యంలో కేసులు నమోదు చేస్తున్న పోలీసులు.. తాజాగా కొంతమందికి గుంజీల శిక్ష విధించారు. పుణెలోని సింగడ్ రోడ్డు వద్ద ఉల్లంఘనులకు ఎలా శిక్ష వేశారో చూడండి.
12:52 April 21
లోక్సభ సెక్రటేరియట్ ఉద్యోగికి కరోనా
లోక్సభ సెక్రటేరియట్లో పనిచేస్తున్న పారిశుద్ధ్య కార్మికుడికి కరోనా సోకింది. వైద్య పరీక్షల్లో అతడికి పాజిటివ్ వచ్చినట్లు వైద్యులు ధ్రువీకరించారు. ప్రస్తుతం అతడిని ఆసుపత్రిలో ఉంచి చికిత్స అందిస్తున్నారు.
12:42 April 21
ఛత్తీస్గఢ్లో తొలి మరణం
కొవిడ్-19 కారణంగా ఛత్తీస్గఢ్లో ఒక వ్యక్తి మృతిచెందాడు. ఇతడు కిడ్నీ సంబంధిత వ్యాధితో బాధపడుతున్నట్లు వైద్యులు తెలిపారు. ఈ రాష్ట్రంలో వైరస్ తొలి మరణం ఇదే.
12:36 April 21
కర్ణాటకలో 7 కేసులు
కర్ణాటకలో కొత్తగా 7 కరోనా వైరస్ కేసులు నమోదయ్యాయి. రాష్ట్రవ్యాప్తంగా పాజిటివ్ కేసుల సంఖ్య 415కి చేరింది. ఇప్పటివరకు 114 మంది మహమ్మారి నుంచి కోలుకోగా.. 17 మంది మృతిచెందారు.
12:25 April 21
వైరస్తో పోలీసు మృతి...
మధ్యప్రదేశ్లోని ఇండోర్లో ఓ పోలీసు కరోనా బారిన పడి మరణించాడు. ఉజ్జయిని స్టేషన్ ఇంఛార్జిగా పనిచేస్తున్న అతడు.. గత 12 రోజులుగా ఆసుపత్రిలో చికిత్స పొందుతున్నట్లు వైద్యులు తెలిపారు. ఇతడి మృతితో జిల్లాలో మరణాల సంఖ్య 52కి చేరింది.
12:20 April 21
19 మంది నర్సులకు కరోనా
పుణెలో 25 మంది వైద్య సిబ్బందికి కరోనా వైరస్ సోకింది. ఇందులో 19 మంది నర్సులు ఉన్నారు. వీరందరికీ కరోనా పాజిటివ్గా వచ్చినట్లు అధికారులు తెలిపారు.
11:51 April 21
గుజరాత్లో కరోనా కేసులు...
గుజరాత్లో మరో 127 కరోనా కేసులు నమోదయ్యాయి. ఫలితంగా బాధితుల సంఖ్య 2,066కి చేరింది. తాజాగా మరో ఆరుగురు చనిపోయారు. ఫలితంగా మొత్తం మృతుల సంఖ్య 77కి చేరింది.
11:16 April 21
సివిల్ సర్వీసెస్పై రాష్ట్రపతి ప్రశంసలు..
భారతీయ సివిల్ సర్వీసెస్ సేవలపై ప్రశంసలు కురిపించారు రాష్ట్రపతి రామ్నాథ్ కోవింద్. కొవిడ్-19 మహమ్మారి సమయంలోనూ అధికారులు తమ కర్తవ్యం కోసం పాటుపడుతున్నారని హర్షం వ్యక్తం చేశారు. ప్రభుత్వాలు చేపట్టిన కార్యక్రమాలు, పలు సంక్షేమ పథకాలను ప్రజల్లోకి తీసుకెళ్లడంలో, వాటి అమలులో కీలకంగా వ్యవహరిస్తున్నారని కోవింద్ అభిప్రాయపడ్డారు. నేడు 'సివిల్ సర్వీసెస్ డే' సందర్భంగా వారిని ఉద్దేశించి ఈ విధంగా మాట్లాడారు. అంతేకాకుండా మాజీ ఉద్యోగులు, వారి కుటుంబాలకు శుభాకాంక్షలు తెలిపారు.
11:13 April 21
రాజస్థాన్లో 52 కేసులు
రాజస్థాన్లో కరోనా కేసులు పెరుగుతున్నాయి. కొత్తగా 52 మందికి వైరస్ సోకినట్లు అధికారులు ధ్రువీకరించారు. మొత్తం బాధితుల సంఖ్య 1,628కి చేరింది. 25 మంది మృతిచెందారు.
11:06 April 21
'మహా' కరోనా
మహారాష్ట్రలో రోజురోజుకు వైరస్ కేసులు సంఖ్య పెరుగుతున్నాయి. గత 24 గంటల్లో 472 పాటిజివ్ కేసులు వచ్చినట్లు అధికారులు వెల్లడించారు. ఫలితంగా మొత్తం కేసుల సంఖ్య 4676కి చేరింది. మరో 9 మంది మృతి చెందగా.. మొత్తం మరణాల సంఖ్య 232కు చేరింది.
08:38 April 21
దేశంలో 18,601 కేసులు
దేశంలో కరోనా కేసులు సంఖ్య 18,601కి పెరిగింది. మరణాల సంఖ్య 590కి చేరింది. 24 గంటల్లో 47 మంది ప్రాణాలు కోల్పోయారు. అత్యధికంగా మహారాష్ట్రలో 4,666 కేసులు నమోదయ్యాయి.
08:17 April 21
అమెరికాకు వలసలు బంద్!
అమెరికాలో కరోనా మృత్యుఘోష కొనసాగుతోంది. 24 గంటల్లో 1,433మంది మరణించారు. మొత్తం మృతుల సంఖ్య 42,500 దాటింది. కేసుల సంఖ్య 7,93,000కు చేరువైంది.
ట్రంప్ సంచలన నిర్ణయం:
కరోనా సంక్షోభం నేపథ్యంలో అమెరికా అధ్యక్షుడు డొనాల్డ్ ట్రంప్ సంచలన నిర్ణయం తీసుకున్నారు. కొంతకాలంపాటు అగ్రరాజ్యానికి ఎవరూ వలస రాకుండా నిషేధం విధిస్తున్నట్లు ప్రకటించారు. అమెరికన్ల ప్రయోజనాలు కాపాడేందుకే ఈ నిర్ణయం తీసుకున్నట్లు తెలిపారు ట్రంప్. అయితే... ఆయన సంతకం చేయబోయే ఉత్తర్వులకు సంబంధించిన పూర్తి సమాచారం ఇంకా తెలియలేదు.
08:00 April 21
కరోనా కలవరం: 24 గంటల్లో మహారాష్ట్రలో 552 కేసులు
రాష్ట్రపతి భవన్లో ఒకరికి కరోనా సోకినట్లు అధికారులు గుర్తించారు. ముందు జాగ్రత్త చర్యగా 125 కుటుంబాలను సెల్ఫ్ క్వారంటైన్లో ఉండాలని సూచించారు.