09:16 May 09
దేశంలో 1981కి పెరిగిన కరోనా మరణాలు
భారత్లో గడిచిన 24 గంటల్లో మరో 95 మంది కరోనాతో మరణించారు. బాధితుల సంఖ్య 60 వేలకు చేరువైంది. ఈ మేరకు కేంద్ర ఆరోగ్య మంత్రిత్వ శాఖ వివరాలు వెల్లడించింది.
మహారాష్ట్రలో అత్యధికంగా 731 మంది కొవిడ్ కారణంగా ప్రాణాలు విడిచారు. కేసులు 19 వేల 63కు చేరాయి. మరో 3470 మంది కోలుకున్నారు.
గుజరాత్లో 7 వేలకుపైగా కేసులు, 449 మరణాలు సంభవించాయి.
మధ్యప్రదేశ్లో మృతుల సంఖ్య 200కు చేరింది. రాజస్థాన్లో 101, దిల్లీలో 68 మంది మరణించారు.
ఆంధ్రప్రదేశ్లో 1,887 మందికి వైరస్ సోకగా.. మరో 41 మంది ప్రాణాలు విడిచారు. తెలంగాణలో 1,133 కేసులు, 29 మరణాలు నమోదయ్యాయి.
08:52 May 09
భారత్లో 24 గంటల్లో మరో 95 మంది మృతి
భారత్లో కరోనా కేసులు 60 వేలకు చేరువయ్యాయి. గడిచిన 24 గంటల్లో మరో 95 మంది ప్రాణాలు కోల్పోయారు. కొత్తగా 3320 మంది వైరస్ బారిన పడ్డారు. కేంద్ర ఆరోగ్య శాఖ ఈ మేరకు వెల్లడించింది.
