12:45 April 30
'కరోనా చికిత్స మార్గదర్శకాలపై ఐసీఎంఆర్దే తుది నిర్ణయం'
కరోనా చికిత్స మార్గదర్శకాలపై ఐసీఎంఆర్దే తుది నిర్ణయమని సుప్రీంకోర్టు స్పష్టం చేసింది. హైడ్రాక్సీ క్లోరిక్విన్, అజిత్రోమైసిన్ వాడకంపై పిటిషన్ దాఖలు కాగా.. సుప్రీంకోర్టు విచారించింది. కరోనాతో ఆరోగ్యం విషమించిన వారికి ఇచ్చే చికిత్స మార్గదర్శకాలను మార్చేందుకు సుప్రీంకోర్టు నిరాకరించింది. పిటిషనర్ లేవనెత్తిన అంశాలను పరిశీలించాలని ఐసీఎంఆర్ కు సూచించింది.
11:21 April 30
దుబాయ్లోని భారతీయులను తీసుకువచ్చేందుకు కేంద్రం చర్యలు
కరోనా నేపథ్యంలో దుబాయ్‌లో చిక్కుకున్న భారతీయులను స్వదేశానికి తీసుకొచ్చేందుకు కేంద్రం చర్యలు తీసుకుంటోంది. స్వదేశానికి వెళ్లాలనుకునే వారికి ప్రత్యేక రిజిస్ట్రేషన్‌ను ఏర్పాటు చేసింది దుబాయ్లోని భారత రాయబార కార్యాలయం. ప్రత్యేకంగా రూపొందించిన పోర్టల్‌లో పేర్లు నమోదు చేసుకోవాలని సూచించింది.
08:39 April 30
భారత్లో కరోనా విజృంభణ.. 1074కు పెరిగిన మరణాలు
దేశంలో కరోనా విజృంభణ మరింత తీవ్రమైంది. గడిచిన 24 గంటల్లో 67 మంది ప్రాణాలు కోల్పోయారు. కొత్తగా 1718 మంది వైరస్ బారిన పడ్డారు. కేంద్ర ఆరోగ్య శాఖ ఈ మేరకు వెల్లడించింది.
మొత్తం కేసులు: 33050
యాక్టివ్ కేసులు: 23651
మరణాలు: 1074
కోలుకున్నవారు: 8324
వలస వెళ్లిన వారు: 1