భారత్​లో 17వేల మందికి వైరస్- 'మహా'లో అధికం

దేశంలో కరోనా వైరస్ విజృంభిస్తోంది. ఇప్పటివరకు 17, 265మంది మహమ్మారి బారిన పడ్డారు. 543మంది చనిపోయారు. 4200 పైగా కేసులతో మహారాష్ట్ర వైరస్ బాధిత రాష్ట్రాల్లో మొదటిస్థానంలో ఉంది.

దేశవ్యాప్తంగా కరోనా తీవ్ర ప్రభావం చూపుతోంది. 24 గంటల్లోనే 36 మంది ప్రాణాలు కోల్పోయారు. కొత్తగా 1,553 మందికి వైరస్ సోకింది.

మహారాష్ట్రలో అత్యధికంగా 4,203 కేసులు నమోదయ్యాయి. 223 మంది మరణించారు. మహారాష్ట్ర తర్వాత స్థానంలో 2003 కేసులతో దిల్లీ ఉంది.

గుజరాత్​లో కొత్తగా 108మందికి..

గుజరాత్​లో కొత్తగా 108 మందికి కరోనా సోకింది. రాష్ట్రంలో వైరస్ బాధితుల సంఖ్య 1851కి చేరింది. రాష్ట్రంలో మరో నలుగురు వైరస్​కు బలయ్యారు. మొత్తం మృతుల సంఖ్య 67కు పెరిగింది.

బిహార్​లో..

బిహార్​లో మరో ముగ్గురికి కరోనా పాజిటివ్​గా తేలింది. దీంతో రాష్ట్రంలో కరోనా బాధితుల సంఖ్య 96కు చేరింది. ఇప్పటివరకు ఇద్దరు ప్రాణాలు కోల్పోయారు.

రాజస్థాన్​లో 1478, తమిళనాడులో 1477, మధ్యప్రదేశ్​లో 1407 మంది వైరస్ బారిన పడ్డారు. ఉత్తర్​ప్రదేశ్​లో 1084 కేసులు నమోదయ్యాయి.

ఇదీ చూడండి:వాడిన మాస్కులను రీసేల్​ చేసే యత్నంలో మళ్లీ..?