దేశంలో 95లక్షలు దాటిన కరోనా కేసులు

దేశంలో కరోనా వైరస్​ తగ్గుముఖం పడుతోంది. ఇవాళ కొత్తగా 35,551 పాజిటివ్​ కేసులు నమోదయ్యాయి. అంతకు ముందు రోజుతో పోలిస్తే స్వల్పంగా తగ్గాయి. మరో 526 మంది మరణించారు.

దేశంలో రోజువారీ కరోనా కేసుల సంఖ్యలో స్వల్పంగా తగ్గుదల నమోదైంది. కొత్తగా 35,551 కేసులు నమోదయ్యాయి. 526 మంది మరణించారు. బుధవారం 40,726 మంది వైరస్​ నుంచి కోలుకుని డిశ్చార్జి అయ్యారు.

• మొత్తం కేసుల సంఖ్య: 95,34,965
• మరణాలు: 1,38,648
• కోలుకున్నవారు: 89,733,73
• యాక్టివ్​ కేసులు: 4,22,943

డిసెంబర్​ 2 వరకు దేశవ్యాప్తంగా మొత్తం 14,35,57,647 పరీక్షలు నిర్వహించినట్లు కేంద్ర వైద్య ఆరోగ్య శాఖ తెలిపింది. అందులో బుధవారం ఒక్కరోజే 11,11,698 నమూనాలు పరీక్షించినట్లు తెలిపింది.