కాంగ్రెస్​ గెలిస్తే మహిళలకు రిజర్వేషన్​, ఉచిత ప్రయాణం!

హరియాణా శాసనసభ ఎన్నికల కోసం మేనిఫెస్టో విడుదల చేసింది కాంగ్రెస్​. మహిళలకు రిజర్వేషన్​, రైతు రుణమాఫీ వంటి హామీలు ఇచ్చింది.

హరియాణా శాసనసభ ఎన్నికల్లో విజయమే లక్ష్యంగా ఓటర్లపై హామీల వర్షం కురిపించింది కాంగ్రెస్. 'సంకల్ప్​ పత్ర' పేరిట మేనిఫెస్టోను ఛండీగఢ్​లో విడుదల చేసింది. మహిళలకు 33% రిజర్వేషన్, రైతు రుణమాఫీ ప్రధాన అజెండాగా ప్రకటించి ఓట్లు కొల్లగొట్టే ప్రయత్నం చేసింది.

మహిళలకు తమ పార్టీ పెద్దపీట వేస్తుందని కాంగ్రెస్​ సీనియర్​ నేత గులాం నబీ ఆజాద్ తెలిపారు. భాజపా ప్రభుత్వంలో జరిగిన కుంభకోణాలపై ప్రత్యేక దర్యాప్తు చేయిస్తామని హరియాణా కాంగ్రెస్​ అధ్యక్షురాలు కుమారీ సెల్జా ప్రకటించారు.

'సంకల్ప్​ పత్ర'లో ముఖ్యాంశాలు

• మహిళలకు ప్రభుత్వ, ప్రైవేటు రంగాల్లో 33% రిజర్వేషన్​. బస్సుల్లో ఉచిత ప్రయాణం.
• మహిళలకు పంచాయతీ రాజ్​, మున్సిపల్​ కార్పొరేషన్​, మండలిలో 50% రిజర్వేషన్​.
• రైతు రుణమాఫీ
• ఎస్సీ, వెనుక బడిన వర్గాల విద్యార్థులకు వార్షిక ఉపకారవేతనాలు. ఒకటి నుంచి పదో తరగతి చదివే బాలబాలికలకు 12 వేల రూపాయలు, ఇంటర్మీడియట్​ విద్యార్థులకు 15 వేల రూపాయలు ఉపకార వేతనం.

ఇదీ చూడండి:'మహా'పోరు: కాంగ్రెస్​కు 'దేశ్​ముఖ్'లు దారి చూపుతారా?