12:24 June 29
ద్విచక్రవాహనాలు తోస్తూ.. ఆందోళన
కరోనా సంక్షోభ సమయంలో పెట్రోల్ ధరలు పెంచటంపై మహారాష్ట్రలోని పలు నగరాల్లో కాంగ్రెస్ ఆందోళనలు చేపట్టింది. పుణెలో చేపట్టిన ధర్నాలో కాంగ్రెస్ నేతలతో పాటు రాష్ట్ర మంత్రి బాలాసాహేబ్ థోరట్ పాల్గొన్నారు. రోడ్లపై ద్విచక్రవాహనాలను తోసుకుంటూ వేళుతూ నిరసన తెలిపారు. కేంద్ర ప్రభుత్వం, ప్రధాని మోదీకి వ్యతిరేకంగా నినాదాలు చేశారు. పెంచిన రేట్లను వెంటనే తగ్గించాలని డిమాండ్ చేశారు.
11:35 June 29
గుజరాత్లో అరెస్ట్ల పర్వం..
చమురు ధరల పెరుగుదలను నిరసిస్తూ.. ఆందోళనకు దిగారు కాంగ్రెస్ నేతలు, కార్యకర్తలు. రహదారులను నిర్బంధిస్తున్న వారిని అరెస్ట్ చేసి పోలీస్ స్టేషన్లకు తరలించారు అహ్మదాబాద్ పోలీసులు.
11:32 June 29
ఎండ్ల బండ్లతో నిరసన..
పెట్రోల్ ధరల పెంపునకు నిరసనగా బిహార్ రాజధాని పట్నా సహా వివిధ ప్రాంతాల్లో కాంగ్రెస్ నేతలు ఎడ్లు, గుర్రపు బండ్లతో రోడ్లపైకి వచ్చి ఆందోళనలు చేపట్టారు. కొందరు నేతలు, కార్యకర్తలు సైకిళ్లు, రిక్షాలతో ధర్నా ప్రాంతాలకు చేరుకుని నిరనసన వ్యక్తం చేశారు.
11:14 June 29
కర్ణాటకలో...
చమురు ధరల పెంపును నిరసిస్తూ కర్ణాటక మాజీ ముఖ్యమంత్రి సిద్ధ రామయ్య.. కార్యకర్తలతో కలసి ఆయన నివాసం వద్ద సైకిల్ తొక్కుతూ నిరసన వ్యక్తం చేశారు.
11:03 June 29
చమురు ఆగ్రహం: కాంగ్రెస్ దేశవ్యాప్త నిరసనలు
పెట్రోల్, డీజిల్ ధరల పెంపును నిరసిస్తూ ఈ రోజు దేశవ్యాప్తంగా ఆందోళనలు చేపట్టింది కాంగ్రెస్. పెంచిన ధరలను తగ్గించాలని డిమాండ్ చేస్తూ దిల్లీ సహా వివిధ రాష్ట్రాల్లో నేతలు, కార్యకర్తలు ఆందోళనకు దిగారు. ప్రభుత్వ దోపిడీని ఎండగట్టటమే ఆందోళనల లక్ష్యమని కాంగ్రెస్ నేతలు పేర్కొన్నారు.