లద్దాఖ్ సరిహద్దులో ఉద్రిక్తతల విషయంలో దేశ ప్రజలను కూడా పరిగణనలోకి తీసుకోవాలని.. ప్రధాని నరేంద్రమోదీ, రక్షణ మంత్రి రాజ్నాథ్ సింగ్‌కు కాంగ్రెస్ సూచించింది. కొద్ది రోజులుగా ఈ అంశంపై పదేపదే.. చైనాతో చర్చలు జరుపుతున్న ప్రభుత్వ పెద్దలు ఆ సమాచారాన్ని దేశ ప్రజలతో కూడా పంచుకోవాలని కాంగ్రెస్ డిమాండ్ చేసింది. ఇదే రాజధర్మమని కాంగ్రెస్ అధికార ప్రతినిధి రణ్దీప్ సుర్జేవాలా అన్నారు.
ఇప్పటికే కార్ప్స్‌ కమాండర్ స్థాయి నుంచి రక్షణ మంత్రుల స్థాయి వరకు చాలా సార్లు చర్చలు జరిగాయని.. వాటి సారాంశం ఏంటన్నది మాత్రం దేశప్రజలకు చెప్పకుండా దాస్తున్నారని రణ్దీప్ ఆరోపించారు. కానీ దేశ ప్రజలు మాత్రం వాటిని తెలుసుకోవాలని కోరుకుంటున్నట్టు వ్యాఖ్యానించారు.
ఇదీ చూడండి:-చైనా రక్షణమంత్రి ముందే తేల్చిచెప్పిన రాజ్నాథ్