'పేరు మార్చితే నిజం దాగుతుందా?'

'నేను కాపలాదారుణ్నే' అనే భాజపా కొత్త నినాదంపై కాంగ్రెస్ పార్టీ విమర్శలు సంధించింది. ఎంత మార్చినా నిజం దాగదని ఎద్దేవా చేశారు కాంగ్రెస్ అధ్యక్షుడు రాహుల్​గాంధీ.

కాపలాదారు దొంగ అనే నిజాన్ని ఎవరూ మార్చలేరని కాంగ్రెస్​ అధ్యక్షుడు రాహుల్​ గాంధీ వ్యాఖ్యానించారు. సామాజిక మాధ్యమాల​ వేదికగా భాజపా ప్రారంభించిన ప్రచారంపై ట్విట్టర్​లో వ్యంగ్యాస్త్రాలు సంధించారు రాహుల్.

రఫేల్​ వ్యవహారం ప్రస్తావనకు వచ్చిన ప్రతిసారి "కాపలాదారుడే దొంగ" అని రాహుల్​ ఆరోపిస్తున్నారు. ఈ విమర్శలను తిప్పికొట్టేందుకు'నేనూ కాపలాదారునే' అని ట్విట్టర్​ వేదికగా ప్రచారం ప్రారంభించారు ప్రధాని నరేంద్రమోదీ. తన ట్విట్టర్​ ఖాతా పేరుకు కాపలాదారు అని పేరు మార్చుకున్నారు. మరికొంత భాజపా నేతలు మోదీని అనుసరించారు.

ఈ వ్యవహారంపై రాహుల్ వ్యంగ్యంగా స్పందించారు. ప్రస్తుతం చౌకీదార్​చోర్​హై, మై భీ చౌకీదార్​ పరస్పర వ్యాఖ్యలు ట్విట్టర్​లో ట్రెండింగ్​లో ఉన్నాయి.

"మీరు ఎంతైనా ప్రయత్నించండి. కానీ నిజం మాత్రం మారదు. ప్రతి భారతీయుడు చౌకీదార్​ చోర్​ అనే అంటాడు. సుష్మాస్వరాజ్​ను ట్విట్టర్​లో పేరు మార్చాలని ఒత్తిడి తెచ్చినట్టున్నారు. ఇది చాలా ఘోరం. "
-రాహుల్ గాంధీ, కాంగ్రెస్ అధ్యక్షుడు

కేంద్ర మాజీ మంత్రి పి.చిదంబరం, కాంగ్రెస్ అధికార ప్రతినిధి రణ్​దీప్ సింగ్ సుర్జేవాలా భాజపాపై ఛలోక్తులు విసిరారు.

"నిజమే నేను చౌకీదారునే. ఎందుకంటే నేను నియమించిన కాపలాదారు 'మంచి రోజు'లను వెతికే పనిలో ఉన్నాడు."
- పి.చిదంబరం, కేంద్ర మాజీ మంత్రి

"ముందు దొంగతనం, ఇప్పుడు కట్టుకథలు. ఐదేళ్లలో యువత ఉద్యోగాలు, రైతుల మద్దతు ధర, అణగారిన వర్గాల హక్కులు, మహిళా సాధికారత, జీఎస్టీతో వ్యాపారుల వాణిజ్యం అపహరణకు గురయ్యాయి. కారణం కాపలాదారేదొంగ."
-రణ్​దీప్ సింగ్ సుర్జేవాలా, కాంగ్రెస్ అధికార ప్రతినిధి

ఇదీ చూడండి:పేరు మార్చుకున్న మోదీ, షా!