ఈవీఎంలు ఉంటే ట్రంప్​ గెలిచేవారేమో: కాంగ్రెస్​

బిహార్​ ఎన్నికల ఫలితాల నేపథ్యంలో ఈవీఎంల విశ్వసనీయతపై మరోసారి నేతలు అనుమానాలు వ్యక్తం చేస్తున్నారు. తాజాగా కాంగ్రెస్​ సీనియర్​ నేత ఉదిత్​ రాజ్​ ఈవీఎంల పనితీరుపై స్పందించారు. వాటిని కూడా హ్యాక్​ చేసే ప్రమాదం ఉన్నట్లు తెలిపారు.

కాంగ్రెస్​ అధికార ప్రతినిధి ఉదిత్​ రాజ్​ ఈవీఎంల పని తీరుపై అనుమానాలు వ్యక్తం చేశారు. వాటిని హ్యాక్​ చేసే ప్రమాదం ఉందని అభిప్రాయపడ్డారు. బిహార్​ ఎన్నికల ఫలితాల్లో భాజపా ఆధిక్యంలో కొనసాగుతుండగా ఆయన చేసిన ట్వీట్లు ప్రాధాన్యతను సంతరించుకున్నాయి.

"అంతరిక్షంలో ఉండే ఉపగ్రహాలనే నేలపై నుంచి నియంత్రిస్తుంటే ఈవీఎంలను హ్యాక్​ చేయలేమా?" అని ట్వీట్​ చేశారు. వీటిని ఉపయోగించి ఉంటే అమెరికా అధ్యక్ష ఎన్నికల్లో ట్రంప్​ ఓడిపోయేవారా? అని ప్రశ్నించారు.

ఎగ్జిట్ ​పోల్స్​ అంచనాలను తారుమారు చేస్తూ భాజపా ఆధిక్యంలో కొనసాగుతుండడం తెలిసిందే.