రఫేల్ ఒప్పంద పత్రాలు చోరీకి గురయ్యాయని ఈ బుధవారమే కేంద్రం సుప్రీంకోర్టుకు తెలిపింది. రక్షణ శాఖ నుంచి ఎటువంటి పత్రాలు చోరీకి గురికాలేదని అటార్నీ జనరల్ కేకే వేణుగోపాల్ శుక్రవారం తెలిపారు. ఏజీ మాటమార్చడంపై కాంగ్రెస్... కేంద్ర ప్రభుత్వంపై విమర్శనాస్త్రాలు సంధించింది. కాంగ్రెస్ అధ్యక్షులు రాహుల్గాంధీపై కేంద్రం ఎదురుదాడికి దిగింది. ఫలితంగా ఇరుపార్టీల మధ్య మాటలయుద్ధం తారాస్థాయికి చేరింది.
" అబద్ధాలు చెప్పడం రాహుల్ గాంధీకి బాగా అలవాటైపోయింది. ఈ క్రమంలో నిన్న రక్షణ శాఖ నుంచి రఫేల్ పత్రాలు చోరీకి గురయ్యాయని పేర్కొన్నారు. కానీ రక్షణశాఖ నుంచి ఎలాంటి పత్రాలు చోరీకి గురికాలేదని ఈ రోజు స్పష్టమైంది. ప్రజల ముందుకు మరో అబద్ధాన్ని తీసుకొచ్చారు రాహుల్" - అమిత్ షా, భాజపా జాతీయ అధ్యక్షులు
" ప్రజాస్వామ్యంలో దేవాలయంగా భావించే పార్లమెంట్ సాక్షిగారఫేల్ ధర విషయంలో రాహుల్ అబద్ధాలు చెప్పారు. ఫ్రాన్స్ ప్రధాని, మనోహర్ పారికర్ సమావేశంతో పాటు ప్రతి అంశంపైనా అబద్ధాలు ప్రచారం చేస్తున్నారు. "- అమిత్ షా, భాజపా జాతీయ అధ్యక్షులు
అటార్నీ జనరల్ కేకే వేణుగోపాల్ వ్యాఖ్యలపై కాంగ్రెస్ అధికార ప్రతినిధి రణ్దీప్ సుర్జేవాలా విమర్శలు చేశారు. ప్రభుత్వ అటార్నీ జనరల్కు చోరీకి గురైన రక్షణ శాఖ పత్రాలు, నకలు పత్రాలకు తేడా తెలియకుండానే... దేశం సురక్షితచేతుల్లో ఉన్నట్లు పేర్కొన్నారని ఎద్దేవా చేశారు.
" ఒక నిజాన్ని దాచడానికి వందల అబద్ధాలు సృష్టిస్తున్నారు! నిన్న సుప్రీం కోర్టులో రఫేల్ పత్రాలు చోరీకి గురయ్యాయని తెలిపారు. ఈ రోజు అవి నకలు పత్రాలని అంటున్నారు. " -రణ్దీప్ సుర్జేవాలా, కాంగ్రెస్ అధికార ప్రతినిధి
