సీఎం కార్యాలయ సిబ్బందికి కరోనా.. ఆఫీసుకు సీల్​

పుదిచ్చేరి ముఖ్యమంత్రి కార్యాలయంలో సిబ్బందికి కరోనా సోకినట్లు నిర్ధరించారు. దీంతో రెండు రోజుల పాటు ఆఫీసును మూసివేయనున్నట్లు సీఎం నారాయణస్వామి తెలిపారు. బాధితుడు ప్రభుత్వ ఆస్పత్రిలో చికిత్స పొందుతున్నట్లు తెలిపారు.

కేంద్రపాలిత ప్రాంతం పుదుచ్చేరి ముఖ్యమంత్రి కార్యాలయంలో ఓ వ్యక్తికి కరోనా పాజిటివ్​ అని తేలింది. దీంతో రెండు రోజులపాటు కార్యాలయాన్ని మూసివేసినట్లు సీఎం వనారాయణస్వామి వెల్లడించారు. వైరస్ వ్యాప్తి నివారణలో భాగంగా భవనానికి శానిటైజ్​ చేయించనున్నట్టు తెలిపారు.

శుక్రవారం ఒక్కరోజులోనే ఈ కేంద్రపాలిత ప్రాంతంలో 87 కేసులు నమోదు కాగా.. అందులో సీఎం కార్యాలయ సిబ్బంది కూడా ఉన్నారని ముఖ్యమంత్రి తెలిపారు. ఈ నేపథ్యంలో సీఎంఓను సందర్శించవద్దని ప్రజలకు విజ్ఞప్తి చేశారు. బాధితుడు ప్రస్తుతం ప్రభుత్వ ఆస్పత్రిలో చికిత్స పొందుతున్నట్టు వెల్లడించారు.

పుదుచ్చేరివ్యాప్తంగా ఇప్పటివరకు 619 మంది వైరస్​ బారిన పడగా.. 10 మంది మృతి చెందారు.

ఇదీ చూడండి:వందేళ్ల బామ్మ కరోనాను జయించింది