1984 భోపాల్ గ్యాస్ దుర్ఘటన జరిగి నేటికి 36 ఏళ్లు. ఈ సందర్భంగా మృతులకు నివాళి అర్పించారు మధ్యప్రదేశ్ ముఖ్యమంత్రి శివరాజ్ సింగ్ చౌహాన్. ఆ విషాద ఘటనలో ప్రాణాలు కోల్పోయిన వారి జ్ఞాపకార్థం.. స్మారక చిహ్నం నిర్మిస్తామని ప్రకటించారు. ప్రపంచంలోని ఏ నగరమూ మరో భోపాల్లా మారకూడదని ఈ స్మారకం గుర్తుచేస్తుందని ఆయన అన్నారు.
అప్పటి ప్రమాదంలో తమ భర్తలను కోల్పోయిన మహిళలకు రూ.1000 చొప్పున పింఛను ఇచ్చే పథకాన్ని తిరిగి ప్రారంభిస్తామని ప్రకటించారు శివరాజ్.
''1984 డిసెంబర్ 2-3 తేదీల్లో జరిగిన దుర్ఘటనలో విషవాయువు వెలువడి ప్రాణాలు కోల్పోయిన వారి జ్ఞాపకంగా.. స్మారక చిహ్నం నిర్మిస్తాం. 2019లో (కాంగ్రెస్ హయాంలో) వితంతువులకు పింఛను నిలిపివేశారు. దానిని పునరుద్ధరిస్తాం.''
- శివరాజ్ సింగ్ చౌహాన్, మధ్యప్రదేశ్ ముఖ్యమంత్రి
ఆనాటి భోపాల్ దుర్ఘటనలో మిథైైల్ ఐసోసైనేట్ రసాయనం వెలువడి.. 15 వేలమందికిపైగా ప్రాణాలు కోల్పోయారు. దాదాపు 5 లక్షలమందికిపైగా తీవ్రంగా ప్రభావితమయ్యారు. వీరిలో చాలా మంది ఇప్పుడు కరోనా కారణంగా చనిపోతున్నారు. భోపాల్లో కొవిడ్తో ఇప్పటివరకు 518 మంది మరణించగా.. అందులో 102 మంది భోపాల్ దుర్ఘటన బాధితులే.