ఉద్యోగాల కోసం నిరసన... విద్యార్థులు, పోలీసుల ఘర్షణ

నిరుద్యోగ సమస్య పరిష్కరించాలని డిమాండ్​ చేస్తూ బంగాల్ హావ్​డాలో సీపీఐ యువజన, విద్యార్థి విభాగాలు చేపట్టిన ఆందోళన ఉద్రిక్తంగా మారింది. పోలీసులు, సీపీఐ కార్యకర్తలకు మధ్య జరిగిన ఘర్షణలో పలువురు గాయపడ్డారు.

బంగాల్​ ప్రభుత్వం నిరుద్యోగ సమస్యను పరిష్కరించాలని డిమాండ్​ చేస్తూ హావ్​డాలో సీపీఐ యువజన, విద్యార్థి విభాగాలు చేపట్టిన ఆందోళన ఉద్రిక్తంగా మారింది. పోలీసులకు, సీపీఐ కార్యకర్తలకు జరిగిన ఘర్షణలో రెండు వర్గాలకు చెందిన పలువురు తీవ్రంగా గాయపడ్డారు.

సీపీఐ విభాగాలైన 'స్టూడెంట్ ఫెడరేషన్​ ఆఫ్​ ఇండియా' (ఎస్​ఎఫ్​ఐ), 'డెమొక్రాటిక్​ యూత్​ ఫెడరేషన్ ఆఫ్​ ఇండియా' (డీవైఎఫ్ఐ) కార్యకర్తలు ఈ ర్యాలీ నిర్వహించారు. నిరుద్యోగ సమస్య పరిష్కరించాలని డిమాండ్​ చేస్తూ సింగూరు నుంచి సచివాలయం​ వరకు ర్యాలీ చేపట్టారు.

ఆందోళనకారులను పోలీసులు అడ్డుకోవడం వల్ల ఘర్షణ చెలరేగింది. సీపీఐ కార్యకర్తలు పోలీసులపై రాళ్ల దాడి చేశారు. వీరిని అదుపుచేసేందుకు పోలీసులు లాఠీఛార్జ్ చేశారు. జల ఫిరంగులతో, బాష్పవాయువుతో ఆందోళనకారులను చెదరగొట్టారు.

ఇదీ చూడండి: 'కశ్మీర్'​పై అమెరికా ఎంపీల ఆవేదన- ట్రంప్​కు లేఖ