కన్న కొడుకునే బలిచ్చిన కర్కశ తల్లి

మధ్యప్రదేశ్​ పన్నా జిల్లాలో దారుణం చోటు చేసుకుంది. కన్నతల్లే కుమారుడిని గొడ్డలితో నరికి చంపింది. తనకు తాను దేవతలా భావించి నరబలిగా ప్రాణం తీసింది.

మధ్యప్రదేశ్​ పన్నా జిల్లాకు చెందిన సునియాబాయి అనే మహిళ.. 24 ఏళ్ల తన కుమారున్ని గొడ్డలితో నరికి చంపింది. తాను దేవతనని చెప్పుకుంటూ అందివచ్చిన కొడుకుని బలితీసుకుందని పోలీసులు వెల్లడించారు. తెల్లవారుజామున ఈ ఘటన జరిగే సమయంలో ఆమె భర్త ఇంట్లోనే నిద్రపోతున్నట్లు స్థానికులు తెలిపారు.

కొంతకాలంగా రాత్రిపూట పూజలు చేస్తున్న నిందితురాలు.. బుధవారం ఉదయం అలానే చేసి కుమారుడిని హతమార్చిందని అధికారులు తెలిపారు. ఆమె దాడి చేసిన ఆయుధాన్ని సీజ్​ చేసి.. దర్యాప్తు చేస్తున్నట్లు వెల్లడించారు. ఈ ఘటనతో గ్రామంలోని ప్రజలంతా ఒక్కసారిగా ఉలిక్కిపడ్డారు.