కుమారస్వామి రాజీనామా లేఖ నిజమేనా! విశ్వాస పరీక్షపై చర్చ జరుగుతున్న వేళ ముఖ్యమంత్రి కుమారస్వామి టేబుల్పై ఆయన రాజీనామా లేఖ ఉండటం కలకలం రేపింది. లేఖ అంశం సామాజిక మాధ్యమాల్లో వైరల్గా మారింది. సభలో విశ్వాస పరీక్ష పూర్తికాకముందే స్వామి రాజీనామా చేశారా? గవర్నర్కు రాజీనామా సమర్పించేందుకు స్వామి సిద్ధపడ్డారా? అనే ఊహాగానాలు చక్కర్లు కొట్టాయి. రాజీనామా లేఖలపై కుమారస్వామి స్పష్టతనిచ్చారు. తనపై అసత్య ప్రచారం చేస్తున్నారని చూపేందుకే ఆ పత్రాలను సభకు తీసుకొచ్చినట్లు వెల్లడించారు. తన సంతకాన్ని ఎవరో ఫోర్జరీ చేసి గవర్నర్కు లేఖ పంపించినట్లు సామాజిక మాధ్యమాల్లో వైరల్ చేశారని ఆరోపించారు. ఇలాంటి చౌకబారు ప్రచారాన్ని చూసి ఆశ్చర్యానికి గురయ్యానని తెలిపారు.
కుమారస్వామి రాజీనామా లేఖపై ముఖ్యమంత్రి కార్యాలయం స్పందించింది. ఆ లేఖ నకిలీదిగా పేర్కొంటూ ప్రకటన విడుదల చేసింది.
ఇదీ చూడండి: బలపరీక్షకు స్పీకర్ డెడ్లైన్- నేడు ఓటింగ్!
