మధ్యప్రదేశ్‌లో ఆదివారం జరిగిన ఓ వివాహం, అక్కడి వైద్య శాఖ అధికారులను పరుగులు పెట్టించింది. అదేంటని ఆశ్చర్యపోతున్నారా...? ఆ వివాహంలో పెళ్లి కూతురు ఝిహావో వాంగ్‌, ఆమె బంధువులు చైనా వారు మరి!
ప్రేమతో మొదలై...
వాంగ్‌.. మధ్యప్రదేశ్‌లోని మంద్‌సర్‌కు చెందిన సత్యార్థ్‌ మిశ్రాను ఐదు సంవత్సరాల క్రితం కెనడాలో చదువుకుంటున్నప్పుడు కలిశారు. కొద్ది సంవత్సరాల ప్రేమ అనంతరం వారు తమ వివాహానికి పెద్దల అనుమతిని పొందారు. తమ వివాహానికి ముహూర్తం నిర్ణయించుకున్నారు. వివాహానికి కొద్ది రోజుల ముందే వాంగ్‌ తల్లితండ్రులు, మరో ఇద్దరు బంధువులు భారత్‌కు చేరుకున్నారు. దేశంలోని కొన్ని దర్శనీయ స్థలాలను చూసిన అనంతరం జనవరి 29న మంద్‌సర్‌ చేరుకున్నారు.